將軍澳餐廳爆衝突！女食客大聲要求馬上執枱　阿叔幫拖霸氣反擊！

阿叔霸氣反擊女食客無禮要求

在7月5日（周五），有網民於facebook群組「香港突發事故報料區」上傳多段餐廳內食客爭執的影片。樓主在帖文上表示，當時有不少食客在用餐，而突然有名戴Cap帽、身穿墨綠色衫的大叔大聲爆粗罵人，「鬧你咪鬧你囉，X你老X呀，宜家」，被罵的女子更一度上前，疑似想出手打對方，而餐廳職員在旁勸架，試圖分隔兩人。據樓主表示，站在後方穿着黑色上衣的男子應該是該女子的丈夫，眼見妻子與人爭執，他沒有制止，反而在旁邊打電話報警。

而在另一則影片中，戴Cap帽的大叔繼續怒罵該夫婦，「你報警我等你」、「你2個死傻X，返屋企啦」。女子在影片情緒十分激動，不斷指罵對方，當時雖然有2名餐廳職員站在二人中間勸交，但Cap帽男仍繼續挑釁，「咁多人緊係要等㗎啦，又X人阿姐」。女子回罵指：「佢鬧我啊，佢打工㗎咋！」戴Cap帽的大叔大聲怒罵：「人哋打份工咋，唔係受你氣啊！八婆」。

網民大撐阿叔見義勇為

事件被上傳至社交媒體後，許多網民紛紛表達了對女子行為的不滿，認為她缺乏對服務人員的尊重。「畀少少錢就巴巴閉」、「執唔切你咪去第二間食，尊重下人好」，這些評論反映了公眾對於飲食服務行業的期待與同情。同時，也有人指出侍應的確處理速度較慢，但強調員工僅是「打工」，應該得到基本的尊重。

其他網民留言：

• 「少有唔關自己事，但敢企出嚟發聲嘅人」
• 「當員工唔係人」
• 「幫襯幾廿蚊好似大X曬咁，咁趕執枱去半島酒店啦」
• 「做飲食真係慘，成日比人當狗，以為比果一百幾十，好似大帝咁，而家好啦，人地都睇唔過眼」
• 「執唔切你咪去第二間食，尊重下人好」
• 「忍耐下，畀少少時間就大家開心，唔使咁勞嘈嘅」
• 「畀個盤啲客自己執嘛」