雪糕店店主涉職場歧視！WhatsApp傳錄音狠批應徵者：瘦到隻鶴一樣

網民替事主抱不平：講到尾都係妒忌你靚女

許多網民對此事件表達了強烈的不滿和同情。一位網民留言表示：「明！職場啲老seafood最鐘意bully新人，尤其對後生女仔好有敵意，聞到成浸葡萄味，成段錄音講嘅嘢九成都唔關份工事，完全係為攻擊而攻擊，根本唔識尊重人！你問下佢，貴公司依家係請人定係選港姐？講到尾咪又係妒忌人哋靚女又後生，驚人哋攞多啲著數同佢爭飯碗，定係工作太乏味，唯一嘅樂趣就係針對人呢？請part time就係乜都唔識㗎啦，我乜都識我仲洗咩嚟做pt？神早坐咗你上面個位」。

另一位網民則分享了自己在將軍澳坑口的一家雪糕店工作的經歷，工作條件艱苦，且遭遇不合理的要求。

「分享下幾年前翻過將軍澳坑口嘅XX雪糕，$45一個鐘，仲要早15分鐘開檔遲15分鐘走，同你呢個應該係唔同老細嚟，佢得將軍澳同荃灣有檔，但係請我個老細都係好X嘅女人嚟，當時所有路都封曬我仲要住西貢出唔到嚟，之後個老細唔信我，好彩啲巴士地鐵app全部都有曬公告，我cap曬畀佢睇跟住問佢唔通我搭的士咩，佢話西貢明明有小巴出坑口，之後可以喺坑口行去將軍澳，將心比己佢自己都有個女佢都唔想佢個女係呢個時勢度仲要出去外面，佢自己前幾日先話咩幼稚園都唔開好危險，跟住佢竟然叫我點都要去返工，最後我影埋小巴站都冇人開工，佢先肯放過我，仲要最後加多句話咩咁我今日嘅生意點，就係因為我今日返唔到所以就蝕咗，下我點知你生意點？」

同一店主曾拒請肥人 錄音回應徵者：佢哋好大陣臭孤味

此外，還有網民分享找同一位經理求職的經歷，指出當時店主竟然直接人身攻擊事主，「我都有搵過佢，講真我都係諗住打工啫，唔打算比人人身攻擊」，在錄音中店主直接問「你係咪好大件㗎？好似好大隻咁」、「因為最近請過幾個都好肥，都有少少問題，因為佢哋重得滯，企唔得耐，痴住張櫈，同埋佢哋好大陣臭孤味」、「佢哋行路又慢，做嘢又慢」。

官方回應與網民進一步分享

對於這起事件涉事的公司也在相關的帖文裡作出回應：「你好，抱歉令你有唔好的經歷，事件中的是加盟店，本公司正在向其加盟店了解事件，以後我們會加強對加盟店的監管和訓練，避免相同事情再次發生。」