【玩樂好去處】「共築幸福•屋邨節」前哨活動搶先看!
由房屋局及香港房屋委員會策劃嘅【共築幸福•屋邨節】,以提升市民們嘅幸福感為目標,希望透過一連串主題活動,務求增強社會凝聚力,令大家開心指數Level up!
是次活動將會於超過30條屋邨舉行,房屋署助理署長黃至中表示 : 「今次活動特別強調推廣幸福概念,喺規劃活動時,亦務求讓居民可以感受屋邨獨特的文化、氛圍和人情。」
![【玩樂好去處】「共築幸福•屋邨節」前哨活動搶 房屋署助理署長黃至中表示今次嘅活動旨在推廣幸福概念。](https://imgs.weekendhk.com/wp-content/uploads/2024/06/-10-1-min_60603265366715868127c6-1024x833.jpg)
【共築幸福•屋邨節】嘅活動計劃於今年9月舉行,但為咗令市民們能更加積極投入活動,所以喺6月至8月期間將會舉辦多項文娛康樂前哨活動,費用全免,希望鼓勵大家一齊參與!即刻睇吓有咩玩先:
多元化前哨活動1:單車新手速成班
Chill住踩單車,絕對係減壓好方法之一!由房屋局和房委會主辦,並與香港共享單車品牌LocoBike以及大埔歷奇單車會聯合舉辦嘅單車課程,開班教授18歲或以上嘅市民,傳授簡單嘅單車操控技巧及基本道路安全知識,等大家都可以安全地享受踩單車嘅樂趣!
![【玩樂好去處】「共築幸福•屋邨節」前哨活動搶 單車新手速成班將會教授基本道路安全知識及單車技巧](https://imgs.weekendhk.com/wp-content/uploads/2022/06/240704_wb_festival_weekendhk_photo-03_2063311404668caad7499df-1024x683.png)
日期:2024年7月及8月
地點:沙田區
*將於活動前兩星期於共築幸福網站或透過Loco App登記,名額有限,先到先得。詳情請參閱社交媒體公布
多元化前哨活動2:共築‧ 幸福 跑團招募
3,2,1!起跑~由房屋局和房委會主辦及「RunOurCity」所籌劃嘅「共築‧幸福跑團招募」,將會定期舉辦跑步訓練,提前為9月嘅重頭節目「幸福跑團」做好萬全準備!參加者不但可以交流運動心得,仲能夠互相鼓勵培養運動好習慣,一舉兩得。
![【玩樂好去處】「共築幸福•屋邨節」前哨活動搶 由「RunOurCity」所籌劃嘅「共築‧幸福跑團招募」將定期舉辦跑步訓練。](https://imgs.weekendhk.com/wp-content/uploads/2022/06/240704_wb_festival_weekendhk_photo-04_22544227668cab34a83d9-1024x683.png)
由「RunOurCity」所籌劃嘅「共築‧幸福跑團招募」將定期舉辦跑步訓練。
跑步訓練嘅路線主要圍繞城門河,時間大約係1小時30分鐘。策劃跑團嘅「全城街馬」項目經理文子洋表示選擇城門河,係因為城門河地理位置方便,能夠貫穿新界不同地區。而且每個地區都蘊含獨特嘅特色,街坊帶路共同創辦人譚健樂認為每條屋邨都能夠反映不同地區嘅特別文化;當中沙角邨嘅大樓其實都係用唔同雀鳥嘅名稱命名,而且外牆都印有雀鳥圖案,非常獨特!
![【玩樂好去處】「共築幸福•屋邨節」前哨活動搶 「全城街馬」項目經理文子洋表示跑團將會舉行定期訓練](https://imgs.weekendhk.com/wp-content/uploads/2024/06/whatsapp-image-2024-06-18-at-18.02.47_198884492866715b566a15b-682x1024.jpeg)
開始日期:2024年7月6日
時間:每周六早上9:00-10:30
團體人數:至少10人(視乎領跑員人數)
路線:環繞城門河(約3-7公里)
報名:共築幸福網站或透過 https://forms.gle/ceuBvkuciea4W7xC9
多元化前哨活動3:邨內壁畫創作
發揮無限創意,將牆壁當作畫紙!是次活動由房屋局和房委會主辦,邀請負責蝴蝶邨內壁畫創作嘅本地藝術家Carmen Ng與居民一齊喺蝴蝶邨內嘅五人足球場牆壁上畫畫,並以蝴蝶蛻變為主題,一齊用雙手美化社區!
![【玩樂好去處】「共築幸福•屋邨節」前哨活動搶 邨內壁畫創作](https://imgs.weekendhk.com/wp-content/uploads/2022/06/img_6327_6604513736690e986edde0.jpg)
日期:活動詳情將於稍後共築幸福網站公布。
地點:蝴蝶邨
多元化前哨活動4: 環保燈手作工作坊
鍾意自己動手DIY嘅朋友就一定要參加以下呢個由房屋局和房委會主辦嘅活動啦!收集漁灣邨居民嘅舊用品,與設計師、工匠一齊製作成燈罩,環保燈將會懸掛於漁灣邨嘅通道走廊,點綴社區!
![【玩樂好去處】「共築幸福•屋邨節」前哨活動搶 環保燈手作工作坊](https://imgs.weekendhk.com/wp-content/uploads/2022/06/yue-wan_corridors-shear-wall_20230728_new-1-min-1_5745494266690ef843a594-1021x1024.png)
(*此為設計概念圖,有待落實)
日期:活動詳情將於稍後共築幸福網站公布。
地點:漁灣邨
多元化前哨活動5:連繫社區嘉年華
講到熱鬧又點少得歡樂氣氛滿瀉嘅嘉年華呢!由房屋局和房委會主辦嘅「連繫社區嘉年華」於葵芳邨舉辦,該區不但以著名嘅街頭美食而聞名,仲有唔少適合一家大細嘅活動,令居民關係更加親近!
![【玩樂好去處】「共築幸福•屋邨節」前哨活動搶 連繫社區嘉年華](https://imgs.weekendhk.com/wp-content/uploads/2022/06/kf-plaza-view-copy-2-1_8496982216690ea365dae6.jpg)
(*此為設計概念圖,有待落實)
日期:2024年8月31日
地點:葵芳港鐵橋底(葵芳邨)
【共築幸福•屋邨節】9月正式開始!
唔好走住啊,話定俾大家知!【共築幸福•屋邨節】將於今年9月7日至15日舉行,並以8大幸福設計概念作為計劃焦點,包括:活力健康、綠色生活、樂齡安居、家社互聯、城市連結、跨代共融、增值上流及地方形象;活動將於超過30條屋邨舉行,橫跨港九新界地區,歡迎大家踴躍參與!
![【玩樂好去處】「共築幸福•屋邨節」前哨活動搶 【共築幸福•屋邨節】降雨多大30條屋邨舉行](https://imgs.weekendhk.com/wp-content/uploads/2022/06/240704_wb_festival_weekendhk_photo-05_1577865119668f8f4cafb5d-1024x683.png)
除咗有趣嘅戶外活動之外,負責今次【共築幸福•屋邨節】嘅房屋署總建築師李民偉率先預告定9月嘅精彩活動,當中涵蓋主題研討會、社區藝術創作以及慶典晚會等。值得一提嘅係慶典晚會將特設屋邨時裝秀及社區健舞派,增進居民互動與交流,建立和諧又融洽嘅小社區!
![【玩樂好去處】「共築幸福•屋邨節」前哨活動搶 【共築幸福 • 屋邨節】將於9月7至15日舉行,涵蓋一系列以幸福為主題的活動,供公眾及業界參加,讓大家能多面向地探討如何提升公營房屋居民的幸福感。](https://imgs.weekendhk.com/wp-content/uploads/2022/06/whatsapp-image-2024-07-04-at-11.12.47_1766870846668cb035b9740.jpeg)
見到咁多豐富節目,係咪好想參加呢?按此了解更多詳情
(Presented by 房屋局及香港房屋委員會)