外賣沙律炸蝦變吉列蝦？事主投訴不果反被罵 石硤尾酒樓咁解釋

石硤尾酒樓沙律炸蝦變吉列蝦？

網民在Facebook的「飲食黑店大全」群組中，分享了在石硤尾酒樓訂購外賣的不愉快經歷。他在帖文指原本訂購的是沙律炸蝦，但當他打開餐盒時，卻發現與預期不符，他指出其沙律炸蝦只是吉列蝦，並不是沙律炸蝦條。

事主致電投訴 餐廳用粗口反擊

事主回家後發現問題，便致電該酒樓尋求解釋。「我叫沙律炸蝦條，唔係吉列蝦」，他對餐廳職員表示。對方回應說：「沙律醬炸唔到㗎，呢味餸係比你返屋企點沙律醬」。事主再追問：「咁你至少都跟盒沙律醬比我，你連沙律醬都冇，咁都叫沙律炸蝦條？」對方卻粗魯回應：「小！（P.S.粗口）」，並且掛斷了電話。

網民反問：沙律醬點會炸唔到？

這段經歷引起了網民的熱烈討論。有網民留言指出：「唔使佢講都知沙律醬炸唔到，問題係你個餸叫沙律炸蝦，沙律都無」。也有網民認為該餐廳說謊，指出酒樓有不少菜式都是「炸沙律醬」，「沙律醬點會炸唔到呀！酒樓有炸沙律海鮮卷」、「仲有酒樓食炸蟹鉗都係咁啦」。

其他網民留言

• 「真係起碼比合仔沙律醬，佢雖然冇比沙律醬，佢冇比醬你，但你有比醬佢，比佢吹X醬（脹）」
• 「好彩唔係比包蝦條，再比支沙律醬你」
• 「原來沙律炸蝦條要個客自備沙律？第一次聽」
• 「（違反）商品說明條例，報海關！」