青衣冬菇亭37年歷史終結！街坊不捨告別兩間餐廳：無法逃離清拆重建命運

青衣冬菇亭80年代開業 逃不過結業命運

青衣的冬菇亭除了是青衣街坊飯堂，也不時吸引不是居住在青衣的居民入去。冬菇亭位於青衣青康路長康邨第二街市，自80年代屋邨落成，雖曾在2015年進行翻新，但「祥發咖啡小食」和「肥佬德大排檔」等幾間餐廳都由始至終開業至今。

祥發咖啡小食成集體回憶

其中，祥發咖啡小食陪伴不少青衣街坊成長，開業初期套餐價格僅售十多元，每天營業時間從早上7點營業，是當時學生及不少基層市民午餐的好選擇。餐廳早前已在門外貼上告示：「多謝街坊好友支持37載，本號5月13日下午3點光榮結業。衷心感謝。祥發咖啡小食」現已正式結業。

網民分享必吃西汁 且心酸臨近結業的情況

有網民就分享，指祥發咖啡小食的「西汁」特別出名，每次只要跟其他青衣街坊提及西汁，就會知道一定是指祥發咖啡小食的套餐，「得呢間冬菇亭先會咁叫既：『西汁』豬扒飯」。

另外，網民也在自己的專頁分享結業當日的情況，表示結業當天的早餐時段人流依舊，有很多街坊看似並不知道祥發咖啡小食將結業。「每個人心目中都總會有一間由細食到大伴著自己成長嘅餐廳，不會特別去評論佢好食定唔好食，礙於地點的關係也不會建議人山長老水專程去食，心底當然知道他有什麼缺點但都仲係會食，同間餐廳一齊成長，睇住老細慢慢變老，亦睇住佢生意起起跌跌。」

他又分享在結業前3天特意抽空光顧，人流依舊不多，心酸寫下：「就算結業公諸於世也不會引來排隊潮，今朝早餐時段人流依舊，如果無認真睇門口張告示的話，一切都好似會如常繼續落去多幾廿年，也不會感受到原來呢度杯奶茶只淨返三個朝早可以再飲到。」

青衣街坊大表不捨 回顧祥發咖啡小食美食

• 真可惜！三十幾年了，我入住附近屋邨它就開業，它附近開開收收已經多間，時代洗禮，又一間結業！
• 早餐：火腿通，沙牛麵，到依家每個禮拜轉既精選
  午餐：椒鹽豬扒飯，咖哩牛根腩，窩蛋肉醬飯
  再到我最鐘意食既雞餃雙併，由細食到大
• 由細食到大，最鍾意食佢西汁猪排飯….有啲突然….
• 呢間啲炒粉麵飯好好食，乾身同鑊氣無得彈，飯粒粒分明而粉係一條條呢啲唔洗講。最隱世一定係肉醬意粉，叫佢做世一既茶記肉醬意粉都唔過份，真係未試過食個肉醬同意粉咁香濃同咁有鑊氣。仲有佢味哋沖既檸茶同奶茶既茶味香濃，又係第度飲唔返。
• 住過或者住開青衣既朋友都知青衣咩都好，唯獨係有少少美食沙漠feel，冬菇亭執埋代表青衣又少一間好食既店家了。

肥佬德大排檔同步結業 網民回顧宵夜時光

而肥佬德大排檔，更是青衣冬菇亭的晚市代表，緊接祥發咖啡小食，從晚上6點營業到半夜1點，是一眾青衣居民的宵夜必選！肥佬德大排檔的菜式以鑊氣十足的港式小炒為主，其中最受歡迎的包括咕嚕肉、羊腩煲、三鮮骨髓煲及啫啫雞煲等。這些菜式色香味俱全，價格實惠，深受食客歡迎。

惟肥佬德在早前也公告結業消息，在其Facebook專頁寫下：「各位街坊，不經不覺德記同肥佬已經同大家共渡36載，多謝各位一直支持，多年來多謝各位陪伴風浪，但奈何歲月不饒人，大業主決定要回收本店清拆重建，畢竟要跟上時代，為本邨居民提供更好既環境及服務，因此本店將於5月20日結束營業，以配合大業主清拆進度。多謝街坊36年來支持，希望未來也會在青衣某一角再為大家服務。」