港男攜榴槤坐巴士被投訴太臭 車長處理手法引起熱議

車長主動回應事件經過

事後，一名自稱是當事車長的網民在該帖文下留言，解釋了當時的處理過程。他表示，由於自己當時戴著口罩並且打開了車窗，所以沒有察覺到有人攜帶榴槤上車。該名男乘客的投訴讓他感到困擾，並透露該乘客最終決定不報警，但事件仍導致他延遲了下班時間。

首先同咁多位乘客講對唔住先喇🙌呢位乘客係屯公塞車時鬧小弟，身為一個車長，你有冇搞錯呀，你點解俾個客帶榴槤上車呀，咁臭。咁小弟呢，就帶住口罩，打開咗隻窗，同埋該名乘客並非帶原隻榴槤，係斬件嗰隻，根本就睇唔到。

好啦，我處理嘅時候，佢話要報警，我唯有過客（編按：將巴士乘客轉移至另一部巴士），準備打電話時，佢鬧我做咩唔截住當事人，鬧我唔係一個稱職嘅車長，我都認，我好少處理呢啲事情，但係人都走咗，成部車都吉咗，我問佢，滿意未？最後佢話唔報喇，完。

多謝呢位先生，遲咗收工，啱啱先返到屋企食飯🙏

網民對男乘客行為的看法

對於這起事件，其他網民紛紛表達了自己的看法。有人支持車長的處理方式，認為他已經盡力而為，也有人批評該名男乘客過於小題大做，妨礙了其他乘客回家的路程，也有網民表示：「帶榴連上公共交通工具唔係犯法」。另外，也有不少網民認為，如果真的無法忍受榴槤的味道，可以選擇其他交通工具，或者選擇坐在車輛的上層。

榴槤是否應被禁止上巴士？

這起事件也引發了關於是否應該禁止榴槤上巴士的討論。有網民認為，榴槤的味道雖然強烈，但只要包裝得當，並不應該成為問題。另一方面，也有人認為，如果有乘客對榴槤的味道感到反感，車長有權要求帶榴槤的乘客離開巴士，並在必要時報警處理。

• 車長，不要自責，事實上，貴公司根本無禁止人帶榴槤上車，我自己都好怕聞呢陣味，但如果我親歷其境，我只能夠默默忍受
• 你梗係要講對唔住啦！俾啲咁冇品帶榴槤嘅人上車，搞到呢度有人想撐佢喎，千錯萬錯都係車長你嘅錯！！！#曲線要講明
• 做卡佬要識讀心術都未夠，仲要有透視眼
• 個人感覺，雖然夏天真係無辦法，榴槤同體臭，我會揀榴槤