銅鑼灣茶飲店推$99任飲一個月！指定3款飲品 限售300套
廣告
炎炎夏日，當然要買返杯茶飲醒神解渴啦！香港地物價高就眾所周知，一杯手搖飲品都要價逾30元，相當昂貴！而最近有銅鑼灣茶飲店推出$99套票優惠，一個月任飲指定3款飲品，除返每杯只需$3.3，超級抵！即睇詳情！
銅鑼灣茶飲店推$99任飲一個月！
位於銅鑼灣的茶飲店放肆茶舍 Fancy Tea近來推出了$99茶飲優惠，只要購買優惠套票，便可於限時30天任飲指定3款飲品，包括肉肉水蜜桃、閨蜜奶茶，以及金碧玉茗檸檬茶。首推肉肉水蜜桃，茶底由錫蘭及阿薩姆紅茶結合而成的，茶香出眾，加上粒粒白桃粒粒果肉，清香味甜；閨蜜奶茶可揀紅茶、山茶花烏龍茶或茉莉綠茶底，再加入芋圓及西米，芋圓煙韌，西米Q彈，口感層次豐富特別；最後金碧玉茗檸檬茶，以山茶花烏龍茶為茶底，再加入手工香水檸檬切片，微酸開胃。
套票只需$99便可買到30杯飲品，換言之即是$3.3/杯，真係超級抵！日日放肆飲都抵到爛！不過套票限量300套，大家想快就要快！
- 店名：放肆茶舍
- 地址：銅鑼灣利園山道15號地下
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
關鍵詞
區區搵食
圖片來源：Facebook@放肆茶舍 Fancy Tea
