大陸排隊梳乎厘Fufuland旺角開首間分店!8款口味 鬆化軟綿+空氣感十足
廣告
大陸超人氣梳乎厘專門店Fufuland落實進軍香港,首間門市選址旺角,之後元朗都會開分店!Fufuland憑著鬆化軟綿、蛋香濃郁的梳乎厘獲得眾人喜愛,成為深圳排隊名店,門市人龍不斷,更是港人北上必買美食之一!首間香港分店預計7月中開幕,以後在香港都可以食到啦!
大陸必食梳乎厘Fufuland進駐香港
大陸梳乎厘Fufuland近年來大受食客歡迎,成立短短兩年便極速擴張,分別於蘇州、上海、深圳、廣州、福州等各地開設分店,人氣急升,更有不少港人特意前去一嚐其滋味!Fufuland主打生乳梳乎厘,即叫即製,梳乎厘漲卜卜,空氣感十足,口感輕盈富蛋香!口味方面選擇多,有8款味道,包括開心果、雪覆士多啤梨、雙層芝士蛋糕、海鹽Oreo等,當中糯米舒梳乎厘更深受眾人力捧,價錢由¥16起,值得一試。另外雪糕系列同樣是必食,推介梳乎厘雪糕、北海道牛乳雪糕、抹茶雪糕等,甜品控不能錯過!
Fufuland人氣不容小覷,門口經常都大排長龍,就算是平日更要排足高達1小時,相當誇張!而最近Fufuland宣佈將會進駐香港,選址旺角朗豪坊及元朗新商場Yoho Mix元點,旺角店將於7月中開幕,不少港人都表示期待!
- 餐廳:Fufuland
- 地址:旺角亞皆老街8號朗豪坊B2;元朗朗樂路1 號Yoho Mix元點
香港18區美食有甚麼推介?
新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。
圖片來源:小紅書@ fufuland