8度寒風港男搭巴士驚見鄰座下身露出 偷拍斥衣著衰過瑜伽褲 網民：關你X事
廣告
近日香港氣溫急劇下跌，不少人都穿上御寒衣物保暖，但也有人無懼嚴寒依舊穿得單薄。雖然每個人有自己選擇穿衣的權利，但日前有港男搭巴士時看到鄰座有一男子竟有「變態衣著」，因而偷偷拍下照片並放上Facebook群組「青衣街坊吹水會」公開討論。不過當事主出Post後，旋即引來熱議，有人指「男人咁著真係衰過港女著瑜伽褲」，惟大部分網民則反擊，指「到底有咩問題」，令帖主急急刪Post。
寒冷天氣港男斥「巴士鄰座」有變態衣著 偷拍放上網遭網民反擊！
日前於Facebook討論區「青衣街坊吹水會」中出現了一則帖子，發帖人貼相及留言指「得嗰8度，仲有啲咁變態嘅人，短褲拖鞋，簡直有傷風化」。
而相片可見當時天色已晚，相中男子搭巴士並低頭玩手機，身穿羽絨外套，看來一切正常，不過認真地看才發現他在寒冷天氣下只穿上短褲以及著拖鞋，令到帖主大為驚訝。
網民：「著短褲拖鞋犯法？」
發帖一出旋即吸引大批網民留言兼圍攻，有不少網民都質疑帖主多事「人哋著咩，關你咩事」，更有網民指冬天著甚麼都沒問題，最緊要有著衣服「著短褲拖鞋犯法咩」「人哋又唔係唔著褲，關你乜事」，也有網民指見過許多人冬天都穿短袖短褲「我今日喺街見到個叔短t+抓毛背心外套，成條街最突出，人哋唔怕凍就得啦」、「短褲點有傷風化？唔通d腳毛引誘到佢？定條友根本唔知咩叫傷風化？條友聖誕都着短褲咁係咪又好傷風化呢？好多疑問」、」我反而佩服囉，真勇士先敢著」。有網民更質問甚麼是有傷風化，更搞笑指帖主可能驚對方傷風「人哋唔怕凍，同傷風化有乜關係？」、「嗰個樓主只係擔心條友「傷風」啫，流感高峰期嘛！」
不過亦有少部分網民留言，指「寒冷天氣著到咁真係唔好」、「仲衰過啲港女著瑜伽褲」、「男人著條長褲有幾難」。而最後更有網民翻出帖主資料，事件越演越烈，最後帖主更把帖子刪除。
關鍵詞
網絡熱話
圖片來源：Facebook@青衣街坊吹水會、ViuTV《大叔的愛》劇照、upsplash@@cheungyin
