內地女大推香港「綑邊遊」 攀山涉水變最新打卡勝地 港人不鬧反支持：去多啲
廣告
旅客到其他地方旅遊時，鍾意到處打卡絕對是人之常情，但在開心打卡的同時，都需要顧及當地人民的文化，盡量不要造成不必要的危險或影響他人。早前，有網民就發現內地人現時潮興在香港「危險深度遊」，只因他們近日竟興起危險系數極高的攀山涉水「綑邊遊」。有指「綑邊遊」所需的體能和應變能力十分高，亦曾有人因此而墮海，需要派出水上電單車搜救。對於內地人視香港「綑邊遊」為最新打卡勝地，有香港網民表示不滿，指「唔好煩到香港消防」，但同時竟意外地有更多聲音拍手支持？
網上驚見高危打卡照 揭內地潮興香港「綑邊遊」
早前，有網民在社交平台上分享一張高危打卡照。據悉，內地網民近年就突然興起在香港進行「綑邊遊」，意指沿著山崖和海邊位置行走及打卡，過程有機會需要攀壁涉水，加上部分人士可能未有太多相關經驗，配合邊行邊打卡及擺pose的情況，危險系數極高！
「泳綑」、「乾綑」變最新打卡活動 需要大量體能及經驗
在網民分享的高危打卡照中，可見有幾位旅客在沒有任何安全措施的情況下，徒手攀山，而身下已是汪洋大海。小紅書上亦有內地網民發文，指在香港「綑邊」行，沿著海洋和陸地的分界線，可以百分百親近海岸，風景地貌並非一般行山徑可以欣賞到，更指有分「泳綑」及「乾綑」，前者結合行山及游泳渡峽，後者則完全不用涉水。其實上述活動的危險系數相當高，需要有足夠體能的同時，亦要有攀爬經驗，絕對不適合亂試。
港人不滿內地人胡亂打卡：跌落去救唔救好？
其實在2023年8月，就曾有一名七旬男子因「綑邊遊」而在龍蝦灣墮海，需要派出水上電單車搜救的狀況，而亦有香港市民嘗試在懸崖進行「綑邊」活動，最後需要飛行服務隊協助確定市民位置。有見及此，大批港人均十分不滿內地人胡亂打卡的行為，先是嘲諷他們「周街打卡都唔夠」、「而家要深度危險遊」，亦有大批網民擔心他們的行為會加重搜救人員的負擔，揚言「跌落去救唔救好？」、「真係一貫佢地嘅自私作風！」、「跌落山跌落海不要請人救，唔好害消防」、「唔該唔好浪費人力物力去救你，所做的事無人迫你去過到影相的」。
港人意外拍手叫好：第一次支持小紅書介紹
不過有更多網民反而不停叫好，指「你哋快啲去多啲，親身體驗落水式深度游」、「Go Go Go！去多啲去多啲啦！減碳排放由源頭做起」、「早登極樂」、「去多啲，咪出嚟市區阻住哂行人」、「立個牌，不准攀石，除非得到許可。如有違者，罰款$10,000。增加政府收入」、「第一次支持小紅書嘅介紹，香港某生意會興旺」。不過講到底，沒有經過專業訓練、缺乏安全措施下，大家切勿模仿及作出危險行為，緊記要注重自己安全！
關鍵詞
網絡熱話
圖片來源：小紅書資料或影片來源：小紅書
