港人笑深水埗驚現皇帝新婚出巡　兄弟姐妹「奇裝」惹熱議　網民：好有意思！

結婚新人穿古裝出巡深水埗街頭　網民：搞到拍包青天咁

Facebook群組「香港突發事故報料區 (新版必入，舊版唔批新post了，似admin棄group)」中有數張新人結婚照備受熱議，事關相中一對新人穿著中式禮服在深水埗街頭行走，而身邊的兄弟團打扮相當「吸睛」，他們身穿藍色如同「錦衣衛」的裝扮，腳穿黑色長布靴，頭戴黑金色「烏紗帽」，手持紅扇，十足十古裝劇會出現的畫面」。

而姐妹團則同樣穿上古裝，配以孖辮髮型，而新娘則如貴妃出場，最搞笑的是中式行禮中，新郎反而牽了一隻圍上紅巾的柴犬，吸引不少途人圍觀及拍照。而帖文中亦指「搞到拍包青天咁」。

網民：考驗友情時刻

網民見相即熱議，留言指「似係明朝東或西廠太監錦衣衛嘅服飾」、「前面明朝錦衣衛，後面老細（新人）着清裝」，「應該要加接新娘抬橋橋段啦，仲似」、「考驗友情時刻」、「真係見過！打晒鑼鼓，抬住頂轎圍繞屋苑一圈。仲要係晨早流流，返夜嗰啲真係多謝晒」、「睇大陸劇睇到傻咗」、「以為自己皇帝出巡」、「肉酸當有趣，一睇就知邊度人」。

另一邊意見：背後好有意思

不過有不少網民反而表示羨慕，並讚背後有意思，一點也不覺得奇怪。留言指「有一起瘋的朋友真好，我只能扮成楊貴妃了」、「難得可以一齊癲，其實係一個值得紀念美好嘅回憶」、「正！有創意又難得兄弟姊妹落力」、「靚！正！人生難得！一生難忘！祝願這對新人白頭到老，永結同心，幸福快樂，平安健康，早生貴子！」、「行前嗰幾個太監朋友都好睇得開，唔介意做太監，呢啲先至係真朋友」、「證明新人好玩得，對朋友又不薄，所以先肯陪你著」。