食麻辣燙叫魚片來到變魚片頭 食客投訴：算唔算欺騙消費者？
廣告
近日有港男點了一碗魚片牛丸麻辣燙，但當來到時發現碗內只見魚片頭，令他不解問道：「魚片唔係由一條條魚身上切落嚟嘅片狀物，而係魚片頭，但menu上又冇一個係魚片頭嘅字眼」。
食麻辣燙叫魚片來到變魚片頭
這名港男近日去大圍圍方一間餐廳用餐，點了一碗麻辣燙，配料選擇了魚片及牛根丸。但當麻辣燙來到後，事主發現實物與餐廳所寫的不同，他指自己點了魚片但碗內只見魚片頭，令他不解問道：「魚片唔係由一條條魚身上切落嚟嘅片狀物，而係魚片頭，但menu上又冇一個係魚片頭嘅字眼」。事主感到困惑，於是便上網查找答案，驚訝地得知原來餐廳所寫的魚片就是指魚片頭。雖然這解開了他的疑惑，但就令他質疑「算唔算係欺騙消費者？去消委會舉報嘅話，會唔會受理？」。
網民一面倒炮轟事主！
帖子獲得眾人討論，不過卻是一面倒的負評，不少人紛紛恥笑網民無知，「樓主係咪冇食過？」、「係你先會以為魚片係喺魚身上面切落嚟嘅肉嘅啫」、「其實你知唔知咩係魚片」、「你係咪咁大個仔都未食過魚蛋粉？ 魚片頭係成條魚片個頭尾先叫魚片頭，你張相嗰啲睇落唔似係頭尾，只係中間嘅魚片」、「魚片同魚肉片係兩回事喎ching」，有人更直斥事主是西客：「我會覺得你煩。網上嘅定義係大部分人共識。咁都要咬文嚼字去投訴=奧客」。有網民指不知道魚片是魚片頭的意思也可理解，但就指事主「google埋見到冇錯仲唔識收聲嗰下好嘢」。
關鍵詞
飲食熱話
圖片來源：Dcard截圖資料或影片來源：Dcard
