港人轟麥當勞豬柳蛋漢堡「手指尾咁大粒」 網民竟撐餐廳
廣告
麥當勞作為快餐店龍頭，向來都是一眾港人最愛，出名快、靚、正！不過近日有食客買麥當勞時發現份量縮水得驚人，其豬柳蛋漢堡只得「手指尾咁大粒」，令他忍不住恥笑：「麥當勞新出一口豬柳蛋漢堡」！
港人轟麥當勞新豬柳蛋漢堡細過手指尾
早前有港人於Facebook「麥當勞關注組(香港區)」群組發帖子呻自己於當勞買點了一份豬柳蛋漢堡，但打開就驚揭漢堡包超迷你，「手指尾咁大粒」，令事主無奈稱其為「豬柳蛋新出一口漢堡」。從圖片可見，事主用糖包作為尺去量度，只見糖包有一隻手指尾的長度，而期後更發現漢包堡與糖包大小一樣，換言之該豬柳蛋漢包堡的確只有手指尾長度。
網民竟為餐廳平反！
帖子引來眾人留言討論，有人笑言是事主手指尾太長，才顯得漢包堡小，「應該追究包糖點解做到咁大包？」、「隻手指尾咁長嘅」。另有部分網民就替麥當勞平反指其所使用的包全是由供應商所提供，因此包的大小並不太關麥當勞事，「所有嘅包都係黎自嘉頓公司（Mc Cafe除外）由嘉頓麵包每日送到店舖。所以size有問題，其實都唔關麥當勞店面事」，不過亦有網民質疑指「佢哋訂貨㗎，點解唔一開始訂大塊啲？」、「麥當勞係客，佢可以落order要咩size」。亦有人點出重點：「如果係咁，咁佢入面塊肉都應該大過包，咁先證明唔關麥當勞」、「咁塊扒同隻蛋都縮咗水」。
圖片來源：Facebook@麥當勞關注組(香港區)資料或影片來源：Facebook@麥當勞關注組(香港區)
