黃大仙祠旁建過渡性房屋　網民稱成本貴過起豪宅　慨嘆：已回到徒置區年代　

黃大仙興建過渡房屋被指「回到徙置區年代」　港人見到感心酸

在Facebook「公屋討論區」中，有網民貼出一張途經黃大仙時看到的景況，一排共4層的房屋，外牆用上不同的鮮艷顏色，猶如一個「迷你彩虹邨」。帖主指「很震撼，造價不低，類似砌積木一件件疊上去。外貌就像幾十年前的公屋，彩虹邨（60年樓齡）、舊牛頭角下邨（己拆）、舊蘇屋邨（己拆）等，有點倒退的味道，但也確實比住劏房好，希望能夠幫助真正有需要的人」。而有網民隨後更正，這些並非簡約公屋，而家過渡性房屋。

港人斥「回到徒置區年代」：當年就唔應該拆啦！

照片惹來不少熱議，皆因從圖片可見，這些過渡性房屋佔地不少，而且有經過的人表示位置在黃大仙廟旁，不解為何不用來直接起公屋。網民留言指「30幾年前住過安置區，直到今天香港又跑回30幾年前的模樣」、「東南西北中座拆咗幾廿年，X你個街而家用呢幅地整埋咁嘅嘢！真係唔多正常囉！又解釋唔到荒廢咗咁耐嘅原因！」、「當年就咪鬼拆住，而家起返都無以前咁多單位」、「深水埗南昌街的簡約公屋去年已拆，大概住咗兩三年，而家又搞D咁嘅嘢？」、「將香港人帶返去徙置區年代，用左幾十年創高峰，用幾年打回原形」、「感覺回到60-70年代臨時房屋區模式，好可悲，只係比當年起高咗少少」、「這是真正香港人的居所，反而新移民就住新公屋」。

亦有網民分享以前這種「東南西北中座」房屋，「要兩戶共用一格廁所，而家啲公屋住得咁舒服其實誘發到好多上面落嚟嘅人插隊搶公屋，呢棟嘢會唔會都係跟返以前個住法」。

質疑過渡性房屋作用：又唔係住到人哋有公屋為止！

另外，亦有不少人質疑過類房屋的作用，指「第一：治標唔治本；第二：嘥錢浪費公帑；第三：唔係住到有公屋上為止；第四：住呢度唔代表安排返呢度附近公屋！搬來搬去」、「好似話呢D棺材屋壽命得四~五年，成本貴過起豪宅」、「破壞黃大仙格局，原本個位係見到廟，作為一個旅遊景點，呢個位起可以有更多特色，但竟然起咁樣衰嘅嘢」、「最垃圾的材料，最昂貴的成本，最浪費的使用期。起又賺，拆又賺，拆完再起繼續賺，掂呀」。

有人表示被派中上址：佢叫我簽2年

翻查資料，網民所貼出的圖片是嗇色園過渡性房屋「可悅居」，並由嗇色園主辦，嗇色園指一向以「普濟勸善」為己任，有見本港住屋需要的殷切，故特籌備過渡性房屋「可悅居」，並即將推出。項目經各界人士共襄善舉，提供227個優質單位，幫助有需要人士緩解住屋壓力，讓他們在入住公屋前，享有安樂居所，以提高生活質素。有網民留言指，自己被派中到上址，但未入伙已被通知先簽2年，「但點人通常講話住到上樓，應該係住到上樓，但就冇講過幾耐上樓，也冇講過唔駛搬」。而有網民即回應，指「有可能係上樓前，要由A區過渡性搬去B區過渡性，再搬去C區，唔知再等幾耐才上樓。」