港媽獲派靚公屋即四圍炫耀 自爆用陰招瞞騙房署 網民質疑作故仔
廣告
公屋富戶的問題常被人詬病，更有不少港人認為「公屋被新移民濫用，好唔公平」，而坊間的討論更是日日新鮮。近日，在Facebook群組「香港公營房屋討論區(FB版) 公屋 居屋 綠置居 租置 房協 裝修 傢俬 平面圖 富蝶邨 麗瑤邨喜瑤樓 樂建居」中，有港人指自己聽到小朋友學校有一家庭剛獲派公屋，但竟然非常得戚地向周圍的人炫耀，更自爆自己「用陰招」過關，對此感到十分不悅，指政府完全查不到這些個案，十分離譜。不過，事主發出帖文後，反而被質疑「作故仔」，更與網民開戰，力證自己沒有任何謊言，而網民則指「咁你咪舉報囉，如果係真」。
港媽獲派靚公屋自爆出4陰招呃房署 錢擺親戚度、老公靠1事不用交稅
事主在帖文中指，「小朋友學校有個家庭一家三口剛拎到公屋，佢好威咁周圍同人講啲錢擺響（喺）親戚度，老公做自僱人士唔洗報稅，又申請全額學生津貼，大陸又有樓，放長假就番大陸住，無能正苦就查唔到呢啲個案」。結果言論一出，惹來熱議，不少網民留言指「一定要舉報佢，尤其是新移民，呢班人大量大陸有屋又有錢！我舉報咗兩次，都成功趕走佢哋」、「大把每月現金出糧搵5，6 萬都係咁拎到屋，政府真係check 唔到」、「你數下全港幾多楂的士，做裝修，開餐廳小店嘅，十個佔九個都係瞞報」、「其實大把係大陸有樓嘅人嚟香港拎公屋，我當時審查，聽到隔離個老公問老婆喺大陸啲樓轉咗名未，個老婆答佢地未轉，都唔駛轉，查唔到」。
網民質疑作故仔講大話：邊個會放錢喺親戚到？
不過有更多網民質疑事主作故仔，指「吹水啊，正常d錢點會擺親戚度，兄弟都會反面，何況親戚」、「你知又唔舉報？知都唔舉報仲無能啦」、「香港真係養懶人。咁得閒冇事做。啲錢擺親戚度你唔去擺。自己老豆老母都唔會擺啦，擺親戚。真係啲傻嘅陪你喺度講」、「你咪去舉報囉，如果係真，有無人會大大聲話畀人知自己犯緊法」、「做咁多衰嘢會無畀人查？」
事主回應質疑 堅稱親耳聽到
事主眼見被質疑，隨即回覆留言，指「最醒係你哋，最無能係我唔知佢住邊個單位，點篤」，而亦有網民表示「唔理真假，總之身邊一聽到呢D情況都一定舉報，唔可以畀佢哋濫用」、「錢放親戚度都唔係無可能，大把新移民咁做，轉個頭拎返」、「我身邊D街坊都好似唔識嘢咁，同個新識嘅人都講類似嘢，唔可以用香港人思維去諗呢班搶公屋嘅人」。
圖片來源：Facebook@大埔富亨邨居民關注組、《媽媽的神奇小子》
