無品公屋戶亂晾內衣褲對正鄰居 住戶嬲爆公開地址叫拎走 網民教用4招對付
公屋住戶門口被掛滿「紅色底底」 圖文並茂命令對方立即收走！
在Facebook「公屋討論區」中，有公屋住戶指「真心唔明，晾啲衫出嚟都已經可以扣你分，晾自己門口可以由你，但條長遠路行過嚟晾喺我門口度，冇嘢呀～麻煩XX邨富X樓19XX室住戶收返你哋d底褲！！」。而從圖中可見，井字型公屋的欄杆上掛滿不同衣服，更誇張的是連內衣褲都公然晾乾，住戶眼見門口掛滿了鮮紅色的「邪門底底」，男女裝都齊晒款，即時心生憤怒，因而在網上公開惡行。
網民：用絕招佢哋即刻無下次！
網民看到照片後，指「呢D人講極唔會聽，連房署講明唔畀都無人理，一定要用其他方法令佢哋知驚」，更紛紛教事主使出4大絕招，包括：
1.整蠱專家必殺技：超級痕粉
網民指「用完一著，包保佢以後無好日子過，咁樣騷擾人法，真係抵佢死」、「勁過用漂白水呀呢個，用少少都痕成晚」、「不能想像變得又紅又腫，真係好似佢條底底咁鮮紅」。
2.白花油涼到爽
網民指，用白花油都是一個超好的絕招，「識玩一定係滴白花油，一定好深刻」、「白花油太揚了，白花油有氣味唔得！！ 噴辣椒水應該冇問題」、「用呢招真係夠佢涼爽，希望佢唔好一試上癮」。
3.報房署最實際
亦有人指依照正常途徑，報房署應是最能阻嚇，「報房屋處啦！我都係咁報！唔上嚟睇我就打電話打到佢上！」、「時代進步咗，而家拍片放上網，再唔係就報《東張》，等D人去影佢哋個樣」。
4.幫佢掛高多兩層，或者讓風吹走它
曾遇到同樣情況的網民則指，「呢D大紅大紫底底好邪的！我自己以前見親都會『幫佢』掛高兩層，曬多啲太陽快乾啲呀嘛」、「係我就天井掉落去，晾幾多就掉幾多，讓風吹走它，你無責任去幫佢看管D衫，喺你門口吹走有幾出奇，等佢唔晾出來，影響市容外觀」。
舊住戶勸大家包容：以前都無人會出聲
不過亦有人勸大家多多包容，認為「舊屋村係比掛衣的、喺走廊打麻雀、甚至樓梯口燒衣、新屋村租約寫明不可以、試吓溝通咗先、可能人哋掛咗幾十年、如果唔掛底底、問題也不是很大、凡事不要一來就做絕、遠親不如近鄰」、「我7-90 年代住華富，家家戶戶大部分都係咁，曬乾後會自動收衫，特別夏天曬棉被，週日有空打麻將，無人會出聲」、「包容吓啦，你嗰邊好陽光呀嘛，太陽曬乾D衫係舒服好多」。
