港人激讚深圳版凍檸茶夠創新冇檸檬亦冇冰但用1招變凍飲！

Oct 25 2023

日前就有網民大讚深圳就連凍檸茶都「零舍唔同」，與香港對比簡直是進化版，大批網民都表示認同，當中更有網民狠批香港的商人不進思取，才會出現香港落後與內地的情況出現。

深圳凍檸茶靠1招唔加冰變凍飲港人讚完勝港版

近日，就有網民在Facebook群組「深圳大灣區國內吃喝玩樂開心分享區」發帖文說到：「在大陸飲凍檸茶，已進化到不加冰，而是加檸檬茶雪條，再加多一樽仔refill，只有你諗唔到，沒有他做不到」，而圖片中確實沒有檸檬在杯子裡，而是一條檸檬茶味道的雪條代替，樓主又表示：「大熱天時坐低，可以一啖凍檸茶，一啖食雪條，超爽」。帖文引起不少人討論。

凍檸茶香港深圳 — （圖片來源：Facebook@深圳大灣區國內吃喝玩樂開心分享區）

港人嘆香港飲食業落後內地：有時覺得自己煮仲好食過出街食

當中有人認為香港人做生意只懂講錢，不及內地人有心：「冇攞心對客人，不求創變，食物質素，但價錢又要收得好貴。有時覺得自己煮仲好食過出街食」、「因為大陸商業策略知道打價格戰到最後係未路，要不停變不停創新。人地想跟風之前以經又再創新」，又表示香港人不會居安思危，只懂得食老本：「成日都話魚蛋燒賣雞蛋仔係特色小食。講真我真係食到厭，聽到厭，唔該比啲創意好唔好」、「想本地人留港消費，先改變下過去嘅消費銷售模式吧。宜家好多新食物，都係抄其他地方嘅，點解香港無乜自創而又價錢合理嘅食物種類呢？」、「香港食嘢只係求充肌」、「香港total loss了」、「賣服務，香港已經唔見左。再講多兩句會比人鬧窮西。」

網民平反「創新」凍檸茶唔飲都罷：根本就偷工減料

不過亦有網民認為這款「創新」的凍檸茶唔飲都罷，認為沒有檸檬的檸茶沒有靈魂，又表示現時香港越來越多茶記改用沖劑而被鬧爆，因此留言說到：「根本就偷工減料」、「香港茶記檸茶冇檸檬，改用預制檸茶俾人嘈爆，上到大陸冇檸檬就變左進步」、「屋企明明有新鮮牛肉食，但食得太多，見到外面有午餐肉就話好正，新鮮牛肉冇進步」、「雪條vs 檸檬，我會揀返真檸檬」。