食客怒轟元朗燒味店粉葛湯$800好呃錢： 茶餐廳例湯仲好飲！

食客怒轟元朗燒味店粉葛湯$800好呃錢

事主一行8人一同到元朗燒味店享用晚餐，當晚他們點選了招牌燒鵝及數道小菜，但味道一般，當中其中一道豬雜粉葛湯的價格和品質，卻令她感到非常不滿。她怒斥湯的價格高達$800港元，但味道卻遠不如其價值，粉葛湯卻沒有粉葛味，只有淡淡的蓮藕味，且湯中的材料也相當少，只有少量的粉葛粒和兩片蓮藕，而大部分都是豬內臟（(豬粉腸，豬心，豬橫脷）和豬頭骨。

事主怒轟：「茶餐廳送嘅例湯仲好飲過佢」。最令事主憤怒的是該湯底本極低但定價卻非常高，「呢煲湯料好平唔值咩錢， 但佢竟然收8舊水囉， 酒樓都唔會畀呢啲料收呢個價啦」，事主指平常沒太多人會買豬內臟，豬肉檔主有時更仲會附送給客人，相必餐廳以超低價入手卻賣高幾倍。最後事主更狠斥該餐廳環境衛生及服務都差，「我哋以後都唔會再去， 絕冇下次」。

網民轟事主做錯1事：

一眾網民都紛紛對如此天價的粉葛湯表示難以置信，許多網民都表示：「咁嘅湯都收八舊水，好過去搶」、「咁嘅爛X餿水湯，收人八舊水，有冇搞X錯呀」、「呢啲真係下欄嘢」、「只是個湯收800元？」、「成本80，收800，難怪咁多人做飲食」、「咁嘅湯料就唔好上枱啦！胃口都無埋，留返喺煲度見唔到無咁嬲」、「呢個湯嘅價錢可以食好多碗牛雜麵…..」。

然而也有一些網民轟事主在點菜時應該先詢問清楚價格，「香港食乜都要先問價錢㗎喇」、「重點係明知樓主又去喎，明知八舊水又照叫喎，咁有趣嘅」、「食乜都要睇睇價㗎！」，不過事主事後解釋指自己是電話預訂湯，當時忘了問價錢亦沒有預想過會如此昂貴：「唔知8舊水，諗住叫個湯唔知價錢冇問，但呢盤野唔係收8舊呀」。還有人認為，如果餐廳使用的是新鮮的豬雜，考慮到材料和製作的工序，這樣的價格也不算太離譜。