食客投訴雞肉太生呈粉紅色 侍應一句回覆拒負責！ 網民：刺身級別

食客投訴雞肉太生呈粉紅色

有港人於餐廳食飯時驚揭雞肉太生，便向店員投訴：「啲雞未熟」，誰料店員竟回覆：「啲客鍾意食生啲，太熟d肉好嚡」，事主聽到後非常傻眼，表示自己簡直是黑人問號，於是便拿出電話打算拍下照片作記錄，然後店員目擊過程就即向事主表示「幫你收起佢」。事主事後指自己雖然冇食落肚，但「食完到而家3個鐘，痾左5次」。最後事主因為要趕陪家人去醫院，所以都沒有再和店員爭執，便埋單離開。

網民：肉未熟就係刺身！

一眾網民見圖後紛紛大鬧雞肉實在太生，「骨帶血叫做嫩，肉未熟就係刺身！」、「有冇煮過呀大佬 =_= 生到甘 ……」、「有時見D外賣雞飯帶紅色，我都叮佢分幾兩分鐘」、「D肉未離骨……某大廚會話生到可以聽朝等佢生蛋」、「一見到係雞刺身就應該即刻退貨唔食啦！」。亦有人搞笑指是「雞肉火灸刺身」、「medium chicken」。不過亦有人反駁事主指若雞肉煮太耐的確會太老，「你試過煮雞未？雞肉太熟，真係唔好食」。

但當中最大爭議就是店員的態度，「叫阿姐食返2舊先，睇吓佢夠唔夠膽」、「如個職員咁答樓主，咁落單前，所有職員應該問客人，食生定食熟至啱丫」，事主無奈說道：「其實成件事最好笑嘅就係阿姐嘅答覆，真係暈倒」！