港人力數3宗罪炮轟Pepper Lunch好搵笨：成件事好冇心！

Sep 22 2023

Pepper Lunch憑著其熱辣辣的鐵板餐獲得了不少人的喜愛，趁熱食非常滋味！不過近日就有港人於討論區開帖炮轟Pepper Lunch好搵笨，大彈其製作簡單，但收費昂貴，「煮都唔洗煮，零功夫可言」，此帖掀起網民熱烈討論，即睇！

港人炮轟Pepper Lunch好搵笨！

有港人以「覺唔覺paper lunch好X搵笨?」開帖大鬧餐廳呃錢，他指出餐點製作方法簡單，豪無誠意：「求其燒熱隻鐵板，再求其剪幾塊cheap雞肥牛，裝碗白飯加啲栗米，再打隻蛋攞張紙圍住就收你80幾90蚊」。事主認為製作成本低，但定價卻落在80至120的高價，略欠合理，「煮都唔洗煮，零功夫可言」。帖文一出，引來眾多人留言討論。有不少人都讚同事主的意見，認為Pepper Lunch不值咁貴，更力數3宗罪，即睇！

Pepper Lunch Pepper Lumch — （圖片來源：Pepper Lunch）

1.根本就係牛肉飯

不才人去Pepper Lunch都是叫其招牌蒜香黑椒牛肉飯，但有心水清的網民就指Pepper Lunch說穿了就是普通一碟牛肉飯，「paper launch不嬲係港女嘢，根本牛肉飯」、「其實係啲嘢係cheap嘢，仲要用微波爐叮」、「啲牛越嚟越少，自己買一大盒肥牛煮同佢陣味冇分別」。

2. 價錢貴

最多人不滿就是價格高，不少人都指食物質素不值這個價位：「返香港見到100蚊食個pepper lunch真係好onX，加多兩塊牛變珍寶仲要加錢都CLS」、「90就真係寧願加多少少120蚊食熱石燒喇，起碼唔係畀街市肥牛你先喇」、「快餐收8、90？」、「而家原來加價加到90？學生時代個陣冇咁貴，但都覺得唔平」。

3. 成件事好冇心

事主都有指出其實Pepper Lunch製作方式簡單，只需要準備好材料，並按次序加入鐵板，然後便可出餐讓食客根據喜好自行攪拌及加入醬汁。因此不少人都與事主一樣，覺得整個過程欠誠意，「好多年前自從發現佢地嘅整法係一pat飯，加pat肉然後放係鐵板到由佢自己熟，就覺得成件事好cheap好冇心，後來覺得調味好咸，就冇再食過」。