公屋住戶疑想拆走主力牆　影相求問是否可行　網民：打官司你實輸

Sep 25 2023

又有日出康城2.0事件發生？拆主力牆風波之前發生於日出康城一單位時，已經令不少業主進行家居裝修時重新審視拆卸主力牆的可能性和危險性。不過並非人人都會汲取教訓，總有人認為「只係拆咗幅牆」一定無關痛癢，所以早前又有公屋戶於網上發文，表示自己即將入住舊式公屋，有意拆除其中一幅牆身以擴大空間，因而拍下一張照片並向網民求問：到底可唔可行，係咪都合法？

公屋裝修想拆主力牆　網上求問：到底可唔可以拆

網民於社交平台「香港公營房屋討論區(FB版)」表示，打算替入住的公屋單位進行裝修，又拍下照片打算拆除其中一幅客廳和廚房的牆身：「請教呢幅牆可啱可以拆？」照片公佈後，有大批網民湧入留言，表示小心該幅牆身有可能為大廈主力牆，不宜隨便拆除；亦有人留言指，業主可以拆走牆身，不過日後遷出時需要花錢還原。同時，有眼利網民認出上述單位疑似觀塘順安邨。到底這幅牆身可否拆除呢？

網民：打官司你實輸

「如果你拆咗，有日你打算搬屋，你又要比錢還原」、「住公屋入面嘅間隔盡量唔好拆，有機會影響單位內承重問題，防火問題；如果係買嘅單位，買火險水險有可能不受保」、「百葉玻璃就可以拆，而家房署查得好緊，可能拆完幾個月，屋邨人員上門睇，要整返就麻煩」、「正常係唔可以，但好多人都拆」、「可以拆，但要承擔所有責任」、「最怕係房署要你還原兼收返間公屋，打起官司一定輸！」、「見過有啲屋邨可以，有啲唔得，每個屋邨都唔同，你落去邨辦問啦」、「呢隻單位消防條例應該唔拆得，拆咗有機會要你即時還原！」、「房署係有嚴格的要求同樓宇結構的設計，基本不允許改動或拆動任何部位」。