港男怒轟日式居酒屋食lunch埋單近3千：煙鴨胸$288、八角魚刺身$388

Sep 12 2023

早前有港男於Facebook群組自己食日式居酒屋中伏的經歷，指自己好心幫襯朋友餐廳最後竟被劏錢，食lunch埋單居然要$2,900，超級貴！最重要是食物質素與價錢不成正比，令他忍不住大鬧：「衰X過食放題」！

港男日式居酒屋食lunch埋單$2,900！

有港男分享自己本打算去朋友開的日式居酒屋支持下，誰知卻被當水魚劏。事主一行4人去幫襯食lunch，埋單卻要$2,900，平均每人約要$750，令他感到昂貴更有被騙的感覺，「食日本嘢係唔貴嘅。但如果一早知呢個價食呢啲嘢，我地一定唔會過去食，$750人頭食個lunch，我諗應該超多選擇」。

事主仔細分享了整個菜單，首先餐廳先上兩碟前菜，分別是青瓜及蒜頭，事主驚訝發現蒜頭居然要價$40！之後主菜則是燒魚、和牛拉麵、叉燒拉麵、赤貝、池魚刺身、蝦餅等。當中最令他覺得疑惑就是京都鴨川鴨胸，只有十多塊卻要收$288 。另一碟北海道八角魚刺身則是全餐最貴，要價$388，不過只有半條，而魚生數量也不多，事主表示「我就孤陋寡聞真係唔知咩嚟嘅」，最後更沒有甜品提供，事主自行去買雞蛋仔，大呻「衰X過食放題」。

居酒屋網民：「個頭咁大啲肉就得幾片」 — 網民：「個頭咁大啲肉就得幾片」（圖片來源：Facebook@飲食黑店大全 (全港食店質素/價錢/服務關注組)）

居酒屋網民：「我第一眼都覺得呢個似鴨胸」 — 網民：「我第一眼都覺得呢個似鴨胸」（圖片來源：Facebook@飲食黑店大全 (全港食店質素/價錢/服務關注組)）

（圖片來源：Facebook@飲食黑店大全 (全港食店質素/價錢/服務關注組)）

網民：可樂先係最搵笨！

網民一面倒怒轟該餐廳劏客呃錢，「你都夠7，睇咗價錢你就不會咁叫」、「真係唔熟唔食? 好可怕！」、「多謝指點迷津，否則唔知定入咗去俾人劏」、「食人唔𦧲骨」、「條八魚先貴呀！半條得幾塊三百幾四百蚊，我諗你哋四個都唔會好飽出門口！」、「七百幾蚊位可以去酒店食自助餐啦！」、「櫻花木煙燻鴨擺明現成嘢鴨胸。加啲煙熏效果收你幾舊水。勁！」、「$288嗰份我們賣緊$70有找包飲品，應該系啲煙要加兩舊」。另有眼利的網民發現最貴並不是以上食物，而是可樂！從收據可見4罐可樂要價$112，令網民驚呼：「可樂4罐，百嚿幾」、「$28罐可樂再加一，日本嘢幾時煮熟咗？唔熟唔食？」、「嘩，你支可樂係兩公升架」。