東張女神陳瑞菱採訪工廈被鬧係「G」　男受訪者事後主動發電郵解釋

東張小背心女主持直搗工廈採訪　突被受訪者指住鬧

東張女主持除了進擊的採訪常受到大眾關注外，一眾女主持的打扮更是熱話之一。近日《東張》女主持陳瑞菱身穿小背心到官塘工業中心採訪有關Party Room導致消防花灑不停爆水的事件時，竟被一名身穿白色上衣的男士指住嚟鬧。事關有在工廈內從事印刷業務中心的張小女姐指大廈已經「6月爆2次，7月3次，8月都爆咗2次水」。這棟工業大廈由於樓宇設計上不少單位都是4面牆，單位的冷氣機的散熱器都會對住走廊或外牆位置，當大家一同開冷氣時走廊高溫可達50.9度。

同層單位大多數都會把散熱氣駁出外牆排走，惟前年其中一個單位租給Party Room後，對方即把3部高匹數的散熱器放於走廊，令走廊溫度「爆升」，單用手掂一掂牆都感到燙手。由於溫度一高過攝氏67度，消防花灑就會噴水，每次發生此情況，張小姐和同事都要救災，因水湧得非常快，會流入單層其他單位，因而需要不停抹水吸水。她曾向管理處、消防處、食環署、地政署投訴，但只有食環署懲罰過對方一次。

同層其他單位需自行擋水　每次損失10幾萬

而管理處指自己已「做過嘢，但無用，無辦法啦」，張小姐唯有自己起一度水閘擋水。而同層一個從事環保電器的單位亦遭殃，指每次爆水都會損失十幾萬，更要趕及水湧入店內前在門口埋自製沙包擋水。「每次D水湧入嚟，我呢度係木地板，而家都浸到起晒，我D電器係貼地擺，一有水個底就浸晒，咁就好易生銹；又要抹水又要維修，有時零件都壞，十幾萬走唔甩」。但最奇怪的是，投訴人向管理處投訴，反被管理處出信指走廊高溫是由他們所致。

攝製隊巧遇男業主　對方出手搶機

拍攝期間，管理處及Party Room男業主恰巧在場，女主持即上前追問管理處，但對方拒絕回應。至於男業主更「搞笑」，起初裝作自己是保安員，更指要報警，但打給警方時又口窒窒，指「我姓黃，有人喺度騷擾，強拍人哋」，但當警方問他姓名和身分後，又口窒窒地指「我⋯⋯我姓黃」、「我係保安⋯⋯我唔係⋯⋯我咁啱經過呢度」。

男業主：你係我養嘅雞咩？我做咩要答你？

而片段中又看到他動手想搶攝影機，又粗口橫飛，女主持追問「其實你知唔知呢度發生咩事，水浸對你有無影響」、「我都好擔心呢度好多住戶受影響，如果你係業主點解唔敢認」。此時這男人即指「你傻傻哋，你走嚟問我，你係乜嘢新絲蘿蔔皮，你係我養嘅雞咩？我做咩要答你？」、「呢個問題你寫公文比業主立案法團，你唔好講廢話」、「我唔係你老豆，教你咩，白黐，係咪教你去死」。

事後「黃生」寫信解釋爆粗原因

而家後這名「黃生」又改名「李生」，並發電郵給節目組表示不滿，指自己被追住拍攝感到不適，因身體較差，情況令他受驚，所以用粗口和「垃圾」鬧攝製隊以表不滿。

陳瑞菱係咩「新絲蘿蔔皮」？　富媽媽是TVB贊助商

陳瑞菱為倫敦經濟學院管理學碩士（一級榮譽）畢業生，高學歷之餘仲多才多藝，識得唱歌、彈鋼琴同跳舞，在參選港姐時曾是大熱人選，雖然最後因決賽當晚表現未如理想，而三甲不入，但仍獲簽入TVB，並加入了《東張西望》做主持。陳瑞菱出身富貴，媽媽是泰國椰子水代理商，做生意有一手，更曾贊助TVB節目《Vegas 360 x TVB》。陳瑞菱在社交網上載與媽咪的合照，兩母女餅印一樣：「好享受同媽咪一齊整健康午餐，陪我傾心事，無所不談，做我嘅聆聽者～感恩我親愛嘅媽咪永遠做我最堅強後盾，陪著我跨過每個挑戰，分享每個喜悅！」她亦好愛錫愛犬Bambi：「幾忙都好，大家都要珍惜毛小孩嘅天真可愛啊！」

超大豪宅內貌曝光

早前陳瑞菱邀請同屆港姐到其家中開Party，令其超大豪宅曝光。當晚的Party影了不少相，從相中可以看到陳瑞菱住在超大豪宅，以白色為主的大廳採用複式設計，而花園擺有長形餐檯，而根據過往Reina在社交平台發佈的照片中，可以看出她家中更有私人泳池，不時在家中游水保持身材外，更會著三點式在家影相，空間大到令人十分羨慕！

原來係生命鬥士！

其實從陳瑞菱的IG相可以見到，她的肚皮上有一道長約一呎的疤痕，據知這是因為她在英國讀書時曾經長了一個21cm大的巨型脂肪腫瘤，經過手術後留下極顯眼的長疤痕。參選時她隨大會到愉景灣進行一連7日集訓，大方穿上露腰運動裝的她豪不介意展示出手術遺留下來的痕跡，更以自身經歷勉勵觀眾：「嗰陣我驚到唔知點用語言去形容，但其實大步檻過，必有後福，所以我會更加珍惜嚟緊嘅挑戰、珍惜生命，我都想以我嘅生命去影響更多生命，有一個正面嘅觀念去睇呢個世界。」

樂觀腰果眼取勝

在自我介紹時，陳瑞菱自言優勝之處是性格樂觀正面，若參賽期間遇困難都會正面去面對，修讀營養學及健身的她於2020年回港，被問到佳麗中有誰是勁敵？她指每個人都有優點和缺點，她最鍾意自己對眼，笑起來雙眼都跟着笑，好似腰果。