管理處貼通告「十號風球將暫停全屋苑升降機」　住戶鬧爆反被嘲無知　

天水圍屋苑稱10號風球會停所有升降機　住戶鬧爆反被教訓

從照片中可見一張由天水圍一屋苑貼出的通告可見，管理處通知各住戶如天文台懸掛十號風球，為免升降機受損，所有升降概將停止服務。有住戶看到後即發到網上發表意見，指「係咪傻咗，D風吹到入lift咁犀利？」、「十號風球可以點破壞部𨋢?屋苑用開籠𨋢㗎?」、「如果啲人有咩事要叫白車，冇𨋢點推床」。

網民：原意係好，但字眼用錯

亦有不少網民解釋，指「每次打風打得好勁，都會有好多困𨋢事件發生，山竹嗰次幾多人受困知唔知」、「當大廈被風吹到某一角度，部𨋢就會自動鎖死，到時又唔知幾耐先救得返入面個人」、「風壓都會閂唔到門」、「10號先停都正常，避免突然水浸救唔切太多嘢」；另外亦有網呢指「管理處真係弱智，寫做為保護各住戶安全成件事咪好睇」。

而事實上，2018年山竹襲港，全港多區都發生困𨋢事件，就連多間公立醫院電力供應都受影響，有些對電壓改變較敏感的電力裝置，包括升降機及空調機組等因啟動保護裝置而跳掣。有專家錯指由於中電比較多架空電纜，電壓受風力影響的機會較大，估計九龍和新界區出現「困𨋢」的情況。

中電：颱風或致供電系統不穩及停電

而中電今次亦有發聲明指颱風或致供電系統不穩及停電，盡力維持可靠供電，如惡劣天氣引致電壓驟降，用戶可能會遇到燈光轉暗或閃爍情況，部分對電壓改變較敏感的電力裝置，例如升降機和冷氣機，或會因啟動保護裝置而暫停運作。