灣仔敏華冰廳人手唔夠 累食客呆等40分鐘！網民：香港餐飲業根本等執

灣仔敏華冰廳人手唔夠 累食客呆等40分鐘

疫情之後，不少香港人都減少了夜晚去餐廳食飯的習慣。消費力低令好多餐廳都捱不住，最近有網民就親身在灣仔敏華冰廳食晚飯，事主拍片表示「成間嘢爆哂，得兩個樓面(仲要收銀)，廚得兩個！」可見冰室都出現人手不足問題。

事主更投訴敏華冰廳食品出得太遲，指自己晚上8時已坐低，點餐後等到8時40分鐘未有得食。即是想投訴都不夠侍應，真是投訴無門。

事主帖文一出，即時引起不少網民熱烈討論，好多人都指敏華冰廳已不再是起初開店時的質素，除了人手問題之外，更多人認為是該餐廳的食物質素每況愈下。

有人就表示：「我寧願返屋企食杯麵都唔食敏華」、「呢間嘢越做越差」、「貴，食物麻麻，招呼又唔好」、「半年前已經係咁」、 「高檔茶記日常，再唔夠人，舖都唔開」

有部分人指，事主真係好有耐性，認為：「等足 40分鐘仲未有得食？畀我已經走人」、「比我走人，為什麼要行入去受氣，又唔係好食過人囉」、「入去食果個都有問題」、「正常現象 ，等多30分鐘」，更有網民指：「好懷念疫情時小貓三四隻」。疫情時大部分餐廳都少人，坐得又舒服，即使人手少都應令到，而且服務質素都變好。

網民將問題歸究於QR code

此外，有網民以此帖文批評香港餐飲業疫後問題，「依家用晒QR CODE手機落單，個度都係一個開支，當然要減人手，科技發達就累死大家。」、「通病，請唔到人，原因工資低」、「香港餐飲業根本死緊，等執」、「周圍集團式都係咁。建議選唔食就唔駛勞氣」。

原文：香港茶餐廳及美食關注組