K Kwong親回應核廢水10大迷思　親身力證無乜影響被質疑：我個孫都食緊啦

而他再解釋指「一切毒性在於濃度」，並列4點解釋：
1. 我哋身上都有氚、碳14、鉀40、鍶90、銫137、碘131
2. 你飲嘅茶有氚、碳14、鉀40K、鍶90、鐳226、釷232、銫Cs
3. 你食嘅煙仔 【同二手煙】有氚、碳14、鉀40K、 鐳226、釷232、銫Cs、釙210、鉛210
4. 你屋企仲有氡86
而K Kwong最後再表示指「你驚唔驚？K仔唔驚！因為濃度低」。

福島核廢水丨日本311大地震已經過去近12年，不過這次災難造成的問題仍然存在，當中大家最關注的想必是福島的核事故，因為日本政府宣布將會把當中的核污水排出大海，引起多地抗議，近來日本傳媒引述政府消息，指核污水於今日（24/8）香港時間中午12點排放，令不少人感到擔心，而化學系博士K Kwong（鄺士山）就在社交平台上解答大家的問題！

問題1：怕唔怕福島核電廠水？

答：唔怕，因為濃度低

問題2：支持政府禁日本10個縣海產品嗎？

答：唔支持禁，搵嘢嚟做。

問題3：以後唔畀入口，對你有乜影響？

答：冇乜影響，一向好少係香港食日本嘢，因為貴過日本好多，亦冇咁新鮮。我會飛去日本食！唔好同我爭！

問題4：係咪你自己唔怕死咋？

答：我個孫都食日本生果喎！

問題5：咁你真係唔驚？

答：我驚啊，我驚佢啲核污水未排晒就再一次「東海大地震」，咁就一次過乜都未處理過嘅污水就排晒落海，全球漁業真正大鑊。我短期內會再去日本玩，唔好同我爭！

問題6：東海大地震嘅風險高嗎？

答：好高，所以積埋咁多污水唔係好事。

問題7：會影響日本生果嗎？

答：唔會！唔會！唔會！海嘅水係上唔到陸地灌溉系統嘅！

對於網民擔心水循環會令雨水會降落陸地，從而影響農產品都有問題，K Kwong表示海水蒸發會將非揮發性的「鍶（Sr）」、「碳14（C-14）」、「銫（Cs）」等的無機鹽留在海水中。而水和氚蒸發後，雨水中的氚含量會再降低，這些氚同樣會留在海水中。

問題8：氚同碳14會永遠留係身體內嗎？

答：唔會！唔會！唔會！佢哋生物半衰期得幾日。

不過就有網民不解「半衰期」 和 「生物半衰期」有什麼分別？」K Kwong回應：「即係生物體内留到幾耐，有好多放射性同位素唔能夠留喺骨，所以入咗身體好快排返出嚟。但有部分好似入到骨嘅「鍶90」半衰期係30年。係骨就真係半衰期30年，但係血液就得20日」

問題9：如果啲水冇事點解你唔攞嚟飲？

答：係經過海水稀釋咗嘅水無事，即濃度低到冇影響，但係我唔會飲海水。尿都冇事我都唔會攞尿嚟飲喎！

問題10：你賣國賊先至支持日本政府！

答：唔係日本政府做嘅所有嘢我都支持，最重要係透明度。好多國家都冇透明度。

K Kwong解釋仍被質疑　網民：唔好以為自己係權威

不過K Kwong解釋後仍被網民質疑，指「請不要以為自己是最權威、最有料的科學家！自己年紀大，唔死都大半世啦！不要悟導（誤導）人，害人！」、「你咪去囉，關我X事咩？三九唔識七，你要死唔俾你死咩？不過你打編（篇）嘢出嚟，啲傻人真係跟你而出事，你落一萬次地獄都唔夠」等等。而面對質疑，K Kwong向來以科學解說，所以他亦回應該網民指「我冇咁講，不過你可以用道理講贏我，請亮刃。否則閣下只係_up」。