港女買榴槤果肉呈灰黑色似發霉 店員居然咁回覆！
廣告
榴槤季節又到了，不少榴槤粉絲都會趁這時候買榴槤回家慢慢歉！不過日前就有港女買榴槤時懷疑被店員欺騙，買了壞了的榴槤回家，即睇發生咩事！
港女買榴槤果肉呈灰色 店員咁回覆！
這名港女在位於石門的一間店舖到購入黑金榴槤，一打開即見到果肉呈灰黑色，外形激似發霉，港女即時覺得不妥，便向店員反映指「對上佢開嗰個都唔一樣」，誰料店員竟回覆「你呢個先係好嘢」便打發事主離開。事主依然覺得奇怪，於是拍下照片傳給家人們詢問，得到家人的回覆便回店舖要求更換，幸好店員都很樂意幫她換個新的，但就見店員接著將該個榴槤放回雪櫃並表示要「畀其他人買」。
網民求開店名！
多名網民要求事主公開店舖名稱，以免再有消費者被騙！事主透露店舖位於沙田石門京瑞廣場，更有網民表示自己亦曾經中伏！
網民：送俾你都唔敢食啦
此帖引來眾人熱議，網民一面們大鬧店員沒有職業操守，明知榴槤壞了都照賣，「熟到壞咗啦間嘢有冇搞錯啊？咁無良嘅！」、「明顯壞啦，請店員即食比你睇」、「隔住個mon都感受到佢個酸味」、「見到個樣，就算佢話有幾好我都唔會要，我只要一個正常的」、「黑色緊係變壞左，店員信唔過，最好信自己！」、「送畀你都唔敢食啦」、「店員心地唔好」。另有部分網民笑指店員之所以說「好嘢」是因為他終於可以將這個壞榴槤賣出，「梗係好嘢啦，咁都甩到手」、「店員話好嘢，終於賣得出」，一眾網民就教事主對付店員：「你試下叫佢食一舊，食得落嘅我唔換」、「店員話係好嘢，你應該即刻叫佢食畀你睇！請佢食又點話吖，叫佢食L哂佢！」。有網民就教事主之後買盒裝榴槤，就不用怕被騙，「咪就係點解唔買盒裝嘅囉」。
關鍵詞
飲食熱話
圖片來源：Facebook群組@香港榴槤關注組 (嚴禁廣告)資料或影片來源：Facebook群組@香港榴槤關注組 (嚴禁廣告)
