港男大呻麥當勞價錢貴：「一個包都10幾蚊！賺埋都唔夠！」 網民反撐是最Friendly食店

港男大呻麥當勞歧視窮人！大鬧「賺埋都唔夠！」

麥當勞是香港快餐店龍頭之一，有不少港人會因為它價廉物美、出餐夠快而選擇幫襯它。不過最近有男網民則於Facebook群組「香港茶餐廳及美食關注組」中發文，大呻「麥當勞歧視窮人」，指7蚊細汽水很快售完、單買一個包也要十幾蚊以上，就連麥樂雞特價餐半夜後已停止供應。唏噓地表示「以前唔係太肚餓，可以求其買個包當一餐」，更怒言「依家賺埋都唔夠」。

而在文末亦有指麥當勞的對手——KFC雖然一向偏貴，但勝在現在尚有三十幾蚊餐，故認為KFC反勝一籌。這言論亦得到其他網民認同，認為KFC桶飯相當便宜，好吃且飽肚。

網民憑2點反撐麥當勞！大讚全港最Friendly食店

帖文一出後，有其他網民反憑2點大撐麥當勞。認為麥當勞不但免費提供乾淨食水，更上有免費冷氣歎，故大讚麥當勞是全港最Friendly的食店。而這2點亦得到其他網民認同，紛紛指「免費提供乾淨食水喎，點叫歧視呀」、「雖然筫素差，但香港M記已經平過好多地方」、「個個都齋坐涼冷氣，又免費有水飲」、「有免費水供應也不錯」。

網民反駁：送畀你好無？

另有網民亦指其實現在物價已不斷上漲，有人認為「求其叫一份三文治當一餐都要廿幾蚊，莫講話餐，啲茶記冰室老早已經歧視咗你啦」、「菠蘿包都要10元個」、「大家樂都加價5% 」、「送畀你好無？」、「你試下去茶餐廳齋飲佢啲水唔叫嘢食，睇下佢會唔會趕你走？」、「樓主會唔會誇大咗呀，言過其實，物價上漲加價都叫歧視窮人，建議去平機會設訴睇下受唔受理？」

也有網民對於自製窮人恩物甚有心得，有人提議「幾蚊雞買個杯麵食好過啦！再唔係就加$10買罐五香肉丁當加餸」、「自己買一Pack汽水廿幾蚊有八罐」，更有網民指買可樂可到惠康或藥房買，更加便宜。

資料來源：Facebookk群組@「香港茶餐廳及美食關注組」