去餐廳叫孖寶米線驚揭肉丸開邊上！食客大鬧：一粒食指頭大嘅丸重要開邊！

Aug 3 2023

有港人去餐廳柯打了一個招牌孖寶米線，但來到就發覺食物唔對路，因此就拍下照片放上網與大家分享。不過一眾網民就不大受落，反而力撐餐廳沒有問題！

去餐廳叫孖寶米線肉丸竟然開邊上！

事主於該餐廳點了一個招牌孖寶（貢丸、牛丸）麻酸辣米線，誰料食物來到時驚揭貢丸、牛丸都是切開了一半，令到3粒肉太搖身一變6粒，看上去多了成倍。事主不滿指餐廳以開邊肉丸欺騙食客，不禁大呼「俾佢激死。。。一粒食指頭大嘅丸重要開邊一分為二，3 粒扮6粒，加塊2寸長豆腐干收$37。。」。

（圖片來源：Facebook群組@飲食黑店大全 🥜 (全港食店質素關注組)🍟🍣🍷🥩🍩）

網民力撐餐廳冇問題：同圖片一樣！

帖子一出便引來眾人熱烈討論，大部分網民都認為餐廳此舉太過份，「啲丸咁平，使唔使咁肉酸？第一次見到開邊奉客，真係好離譜！」、「最多細粒啲丸，半粒真係未見過」、「收翻貴D冇問題，唔夠餸真係好嬲！」、「畀三粒啦，開邊唔好睇，咬口又唔好」。

「只係收$37仲想點？」

不過另有網民就幫餐廳澄清指「佢切開粒牛丸唔係想扮六粒，只係想粒牛丸快D熟熱，等你可以快D食完交番枱咋」，而且圖片上的確是切開的肉丸，並非實物與圖片不相符，「圖真係半粒又吹佢唔脹，唯有無下次囉」。另有一網民就撐餐廳沒有做錯，網民指出兩餸粉麵兼送飲品都只是$37，價錢相當平宜，勸事主不應有太大要求，「$37 兩餸粉麵+飲品，其實你期望人地比幾大份你…..」、「今時今日，37蚊要有6粒丸加2舊豆干應該難搵喎。其實3粒合理」、「37蚊就算吧啦，仲以為73蚊添！」、「我覺得對得起個價錢，始終37蚊出面無乜選擇」、「其實呢間野已經算平」。