港男食中錯體版鳳仙雪條 網民：咁好彩要去買六合彩

港男食中錯體版鳳仙 網民：咁好彩要去買六合彩

雀巢鳳仙雪條是不少港人的童年回憶，香蕉味的外層，包裹著雲呢拿味雪糕，內層有芒果醬夾心，味道酸酸甜甜層次豐富，有網友大讚鳳仙是出色的雪條，不過早年鳳仙雪條曾停產，唔少人都大感可惜，甚至有人曾去信雀巢公司反映，希望可以重新出售。

激罕有「錯體版鳳仙」

日前雀巢終於宣佈重出鳳仙雪條及牛奶條，吸引大批港人去掃貨！前日有網民在「香港雪糕關注組」分享百年一遇的經歷，在帖文留言「特別版孖棍鳳仙」，事主在便利店買到錯體版鳳仙，圖片可見有一支完整的鳳仙雪條，再額外多半支裝，故有網友笑言「嚴格嚟講係1.5條，唔係孖生喎」、「依個係母子裝呀」！

網民大讚樓主好運：去買六合彩！

網民紛紛大讚樓主好彩，稱「全世界得一支架咋，你咁好彩嘅」、「錯體好值錢喎，留起佢等炒升值」、甚至有人指樓主好運要「去買六合彩啦！」不過亦有網友疑惑「另外果半條向個廠度有人食咗半掉埋入去pack 呀？」，亦有人好奇「個袋咁窄，點放到兩支」，樓主則解釋「 佢係岩岩四隻角打爆晒，要響中間開先開到，我開果陣都覺得怪點解無空位巳為佢溶咗」，表示「開果陣都覺得怪四隻角都填滿晒一啲空位都無」。亦有網友認為「最慘係下面封口果個好可能得半」。不過對於有人買中錯體被鳳仙雪條，網友都覺得很稀有。