食客怒插譚仔紙巾都要收錢 大鬧「呢啲係你哋應該俾客！」網民反撐譚仔

譚仔紙巾要收錢規矩遭食客大鬧：「呢啲係你哋應該俾客！」

平時用餐時總會用到餐廳提供的紙巾，用來抹餐具、抹嘴等。不過最近有網民於連登討論區分享自己早前到譚仔用餐時的不愉快經歷，表示自己用餐途中不小心弄污雙手，想向店員拿張紙巾，但店員卻稱紙巾要收$3，讓事主深感不滿。

後來事主於帖文中表示，認為譚仔一碗米線已有$50-60一碗，但是紙巾這些基本用品卻不提供。雖然事主表示自己當硬食，但奈何自己當時身上沒有零錢，但店員卻表示只收現金，不收八達通，讓事主的不滿再度升溫。

最後於文末大鬧譚仔「依家貴左咁多。但係啲質素越黎越差！凍水又加錢、紙巾又加錢，呢啲係你地應該俾個客架！落街食個飯都谷X氣，以後唔X再食你！」。

網民留言分兩派：「等執啦！」VS「成包紙巾俾無問題！」

撐事主派

帖文一出後，網民留言分成兩派！有網民認為事主說得有道理，表示「個客整污糟咗，可以連紙巾都唔俾！等執啦！」、「呢啲必需品點可以唔提供！香港人就係太易習慣呢啲垃圾規矩」、「餐廳界嘅廉航」、「冇水冇紙巾提供唔會去」、「咁不近人情流曬鼻水都唔比張紙數我」。

撐譚仔派

也有網民認為食物才是餐廳的必需品，加上3蚊買的是一整包紙巾，故認為「當係7仔買咗包紙巾囉」、「有乜問題～人哋比成包你～餐紙嗰啲都收你錢就有問題啫」。更有人表示其實3蚊有一包紙巾已經很好，指自己試過有些餐廳直接答因環保原因，餐廳無供應紙巾。

網民突破盲點 解釋規矩由來！

有心水清的網民指其實有這規矩的原因是由於有食客做壞規矩，表示「啲家長帶個2、3歲仔食飯玩壞規矩，抹枱又問人攞一疊、抹匙羹又問人攞一疊、抹碗又問人攞一疊，索性唔提供要收多3蚊」、「就係班XX自私X係又唔攞唔係又攞，攪到今時今日全部餐廳全部收埋晒問先俾OR俾錢買」、「啲人見你補完會全清」。最後有網民一招KO這規矩，指「可以扮倒瀉嘢，佢到時就會比你。」。

資料來源：連登討論區