港媽抱2歲女搭小巴冇付車資　被司機開大聲公式審問 ：咁高大都無3歲？

港媽抱2歲女搭小巴冇付車資　小孩太高大被司機質疑歲數

港媽指近日與工人姐姐，帶同2歲的小孩去健康院，以前多數都是乘搭的士UBER，甚少搭小巴，誰不知一搭小巴就有不愉快經歷。港媽小朋友得2歲，但生得比較高，上車時司機已不禮貌對待，表明「小朋友咁高仲手抱」，當時港媽解釋小朋友只得2歲，但小巴司機態度依舊，不太相信港媽的說話，更要港媽取出小朋友的針咭，以及「小朋友行出嚟畀大家睇下」才相信。港媽認為司機的做法好像是指港媽不願付小孩車錢，令港媽非常委屈。

後來港媽補充，當時小朋友用手抱住睡覺，並沒有阻礙任何人，不明白小巴司機為何不相信，在港媽下車後更專登駛慢睥實港媽一家。

網民保持中立：大家有大家難做

大部分網民都持中立態度，一方面認為小巴司機態度差，講解時不應令港媽受委屈，但同時亦覺得為了其他乘客安全，小巴司機有權去計算人頭，因為當出事時，如果人頭超出了小巴載客量，司機的保險有機會不包，超載亦非常不安全。「大家有大家難做，但司機態度唔好都係問題。」、「超載有咩事保險唔賠」、「兩個夾埋都1.5個位阻住人出入啦，更何況高大？」、「好難，BB一定不用比钱，但到有事又話多左個B唔賠。」不過亦有不少網民指自己遇過同一情況，為免無辜受氣，往往都會自動自覺支付車資，免得麻煩。「雖然畀得好唔抵，但少一事算數」。

其實法例並無明文規定3歲以下小童可豁免收費，但若果不佔位置，一般都不會收取車資。而港媽最後亦重申將來會付小孩車資，以免再引起不必要誤會。