港女狠嘲男友去迪士尼唔玩機動遊戲 一個舉動顯得「好無用」！

港女嘲男友玩機動遊戲一個舉動「好無用」
網民反鬧爆：唔舒服都唔得？

港女在香港討論區上以「男朋友咩機動遊戲都唔敢玩真係好冇用…」為題發帖，表示上周某天放假時，相約了男朋友到很久未有去過香港迪士尼遊玩。甫到達樂園時，便前往「太空飛碟」排隊，在十數分鐘後玩完，男友就即時「又話見頭暈，又話個心口頂住哂」，港女只好問男友需不需要坐低休息，對方就表示「畀佢抖幾分鐘先再行」。

幾分鐘過後男友表示「好返好多」，港女便帶他去了乘坐最不刺激的「小小世界」，打算入去坐吓涼冷氣坐著休息一下。在玩完「小小世界」後，港女稱「本身玩完以為男朋友都已經冇咩事，點知我地諗住玩埋跳降傘果個機動遊戲果陣時，男朋友竟然叫我自己上去玩」，更自己買了一樽水坐埋一邊。她見狀只好「自己一個走上去排，全程同啲唔識一pair pair嘅情侶坐埋一齊玩」，直言對於男友自己坐著的舉動「真係有少少無奈」。

最終男友全程什麼都沒有再玩，只得她一個人到處去排隊，也看到男友始終面青青不敢騷擾他，在看完迪士尼的晚間表演後便一起離去。可是全程車兩人也一隻字都沒有講過，令她無奈地感嘆「雖然男朋友玩完唔舒服佢自己都唔想，但係成程得我自己一個喺度玩，咁真係同自己一個去冇咩分別」，也得出了男友「不敢玩機動遊戲很無用」的結論。

網民一面倒狠批事主唔識體諒！

帖子吸引了大量網民留言，但是反應是一面倒地批評港女不懂體諒男友，「你見佢都唔舒服都唔走，咁都唔係好愛佢姐，唔舒服一定係驚㗎咩？」、「睇嚟妳愛機動遊戲多過愛妳男友，點解唔係妳陪佢一齊唔玩？點解一定要佢陪妳玩？」、「如果調返轉就會話個男仔唔體諒個女仔」、「佢玩完第一個都已經明顯唔舒服要坐低休息，仲逼佢頂硬上？」坦言每個人對離心力的耐受度都不同，比起強逼對方玩機動遊戲，或批評對方「好無用」，應該更關心男友身體狀況，才是真正的相處之道。

原帖連結：按此