新港城地獄業主330呎劏10床位　月租呢個價網民覺得好折墮：60年代咩

新港城「良心」業主330呎劏10床位收入多X成　月租$2,200全包＋1優惠

「惠民」租盤位於馬鞍山藍籌新港城，最近在網上地產平台岀現，不過該名「良心」業主並非把整個330呎單位出租，而是劏出10張碌架床位，去「幫助」無法負擔昂貴租金的港人有一「安樂窩」。根據網站資料，每個床位月租2,200元，指明是女士宿舍。

而網民更細心對比同屋苑單位，若以正常方式放租，最多月賺$14,000。可是該「良心」業主可能本著互惠互利的精神，以月租$2,200放1床位，更包水電媒和上網寬頻，而自己也只是多賺5成租金收入。「良心」業主更不介意「蝕少少」，提供全年租金預繳優惠，只要住客可以一次過付一年的租金（$23,700），分攤下來只是每月$1,980，變相即可獲全單9折。

網民看後大鬧：倒退到60年代

不少網民看完即大鬧，「呢種民工宿舍真係得大陸人先肯住」、「咁X折墮都諗得出， 香港真係地獄都市」、「咁多人得1個廁所，等到幾時先有得去」、「成間屋連枱都冇張」，亦有不少網民感嘆香港住屋水平每況愈下，「仲衰過劏房」、「倒退返到60年代」。