《肥媽李鼎》教煎爆汁全熟牛扒 切開後震驚網民：明明得5成熟

《肥媽李鼎》教煎「爆汁全熟牛扒」

肥媽在節目中表示，老公生前愛吃牛，但與一般外國人的吃法不同，她老公要吃「全熟，但又要肉汁豐富」的牛扒，連另一主持游嘉欣聽到都表示驚訝，問肥媽「全熟點會肉汁豐富」。這時肥媽就不慌不忙，開始教大家煎「爆汁全熟牛扒」！

肥媽第一步是倒入大量的橄欖油，稱這個時候落油可以令肉質變得鬆軟；之後肥媽稍稍加入鹽和胡椒粉，沒有再加入其他調味料，然後就把牛扒放上已經燒到很熱的鍋上，不用加油，直接煎即可。之後肥媽隨即放上一塊牛油，帶出香味；適當時候加入迷迭香及蒜頭，並準備一張錫紙。

重點是錫紙包扒、稱曾教導法國大廚

肥媽把牛扒煎到表面焦香、約5成熟後，就把牛扒放上一錫紙上，並指一定要用錫紙光面的那邊接觸牛扒，熱力反射，再利用煎扒後的餘溫，就可以把牛扒焗到全熟。肥媽更分享當年曾和老公到尖沙咀一高級餐廳吃飯，老公投訴該餐廳的法國大廚把牛扒煎得太硬，對方回應「你要全熟，全熟就係咁」，肥媽老公即指「我老婆煎嘅全熟牛扒唔係咁」，更要求法國大廚向肥媽學習。肥媽憶述當日即時教導大廚以上的技巧，大廚馬上煎出一塊「爆汁全熟牛扒」，果然厲害！

切開肉質粉嫩、主持驚歎「真係一啲都唔乾」

錫紙包裹約5-6分鐘後，肥媽表示時間差不多，可以拆開，大家都非常期待「爆汁全熟牛扒」是怎樣。只見錫紙打開牛扒仍冒煙，熱力十足，肥媽用刀切開後，肉質的確非常粉嫩，稍用力壓更見有「肉汁」流出，連游嘉欣都忍不住驚歎「真係一啲都唔乾」。

網民質疑：呢個係全熟？

有網民質疑肥媽煎牛扒的方法，指「咁X早放牛油落去人傻㗎」、「你乾鑊唔落油，好叻咁呀？你塊扒啲油多到開鑊炸都得啦」，不過令網民更質疑的是牛扒的熟度：「點X樣全熟呀？」，直言「我出街叫7成熟都熟過佢」、「全熟新定義」、「依個叫全熟？你冇病呀」、「有無咁白痴啊，是搞笑節目嗎？肉裡面還是粉紅色都叫全熟？」，有網民認為「全熟係要冇血水，呢件牛扒㩒落去一定見紅」，指出肥媽完美演繹「自己唔尷尬，尷尬嘅就係人哋」，嘲「佢食淡水魚生，智商係咁上下」；有網民更指法國大廚「真係好脾氣，冇當場X佢兩公婆」；不過也有網民認為肥媽這塊牛扒其實算煎得不錯，只是不能稱得上是全熟。

資料來源：Youtube@TVB USA Official