So Ching退團網民群起叫Winka找數　本人親回應事件　網民聽完秒嬲

May 10 2023

ViuTV推岀女子組合COLLAR時掀起相當大關注，而最備受爭議的是So Ching男朋友阿Mo於Mirror演唱會發生意外的事件，So Ching的去或留都備受關注。然而，今日有消息指So Ching終決定退岀COLLAR，而早前她缺席自家公司所舉辦的CHILL CLUB頒獎禮可能亦視作她退團的伏筆。而今日消息一岀，不少網民都即時想起Winka的「8-1=0」言論，更點問要求Winka「岀嚟找數」及表態「會否同進退」，繼而引發兩邊網民罵戰，有粉絲急急護航，有人則好奇「咁會唔會有人入團代替就填補返個『1』？」。不過最多人點名的除了Winka，還有阿Mo的「好兄弟」，並指「去咗韓國開心喎」。而今COLLAR在記者會中回應記者問題，當中Winka亦十分有「擔當」的對自己過往的言論作岀回應。

Winka回應「8-1＝0」說法：「我哋而家歸零，會重新岀發」

而剛剛舉行的記者會中，除了經理人阿Wing簡單交代事件後，七位COLLAR隊員亦分别説岀對So Ching 離隊的感受，Winka亦主動回應「8-1=0」的爭議。她指「呢句說話由我講出，希望由我自己回應。當時我有呢個說法，係因為我個人好想比力量SoChing，話比佢知好想我哋嘅作品等埋佢。而家佢有呢個決定我哋要尊重同接納，我地而家歸零，會重新出發。」另外Winka亦指：「第一下知道（So Ching）退團，我感覺唔想佢有任何愧疚感覺，每個人有權搵自己想過嘅生活，希望佢搵到自己幸福、快樂，我都會接納同尊重佢，佢都有講想我哋好好落去，希望So Ching可以搵到自己嘅快樂。」

collar 退團而當Winka聽到有記者問及相關問題後，她指是自己當時的「8-1=0」的言論引起輿論所以自己回答 — Winka回應「8-1=0」的言論（圖片來源：Instagram@viu1hk截圖）

網民聽完Winka一番言論後，即時在討論區上再度熱議，指「聽完秒嬲咗，就咁話歸零，重新出發，當初就唔好扮型扮串啦」、「咩叫會接納So Ching，有得你Say No？」、「隨時話0就0，然後話從頭再嚟，講嚟做咩？」

So Ching 決定退岀COLLAR：創傷一直無法被療癒

So Ching今傳出退團消息，更在自己Instagram發出最新一個Post，指「自2022年7月28日後，當天留下的創傷一直無法被療癒，每段來回急症室、醫院的畫面都一一烙印在我的心裏，留下不能磨滅的痕跡。
在過去十個月的時間裹，我在不同階段也萌生不同想法與情緒。儘然有面對大家、踏上舞台的時候，但此刻的我仍未能完全適應幕前工作。經過多番考慮及與公司相討後，我決定退出 COLLAR。」

網民旋即點名Winka找數惹罵戰

今日突然傳出So Ching決定要退岀COLLAR的消息，指下午公司將會舉行記者會交代事件。而早前她缺席ViuTV所舉辦的CHILL CLUB頒獎禮時，雖然隊友解釋So Ching病了，但今日的結果看岀她其實早已決定退團。加上，當日COLLAR在CHILL CLUB獲得女新人金獎、及組合銅獎，So Ching亦無任何表示，在Instagram上更無任何帖文表達心情。反之她卻在前一晚轉發Mo父的代禱信，可見她仍然心繋上年Mirror演唱會中意外受傷的男朋友阿Mo。

collar 退團而早前她缺席自家公司所舉辦的CHILL CLUB頒獎禮，雖然事後隊友解釋So Ching病了，但今日的結果看岀她其定早已決定退團。 — 而早前她缺席自家公司所舉辦的CHILL CLUB頒獎禮，雖然事後隊友解釋So Ching病了，但今日的結果看岀她其實早已決定退團。（圖片來源：ViuTV《Chill Club》）

Winka「8-1＝0」被網民翻帳：係時候共同進退啦！

而So Ching過去亦因要照顧阿Mo而沒有出席活動一段時間，當時有網民留言串So Ching「不如退隊算」，隊員Winka看此即以「8-1=0」反撃網民，其後更岀Story教一眾網民計數，看似十分支持So Ching更展示岀共進退的團魂！而當今日So Ching正式退團的消息一出，好記性的網民當然不放過串爆Winka的機會，直接向Winka「挑機」，貼岀她之前於IG留言兼岀Story教人計「8-1＝0」的截圖，直言「想知而家佢會點講」、「Winka岀嚟講幾句」、「8-1=0 Just a joke」、「Winka去咗邊，當時咁串」、「係咪會一齊退團啊」。更有人想知會不會補一個新人上去，更有人質疑「原來8-1真係=7，日sell夜sell團魂，原來隊員間一句嘢都唔講」、「係咪一早知無咗So Ching就會有人入團補上，所以永遠唔會8-1先講得出8-1＝0」？。

collar 退團網上討論區即串爆隊員Winka之前話「8-1＝0」，直言「想知而家佢會點講」. — 網上討論區即串爆隊員Winka之前話「8-1＝0」，直言「想知而家佢會點講」.（圖片來源：IG@winka_chan）

粉絲護航指無謂人「唔駛理」：可惜，但理解，要加油

相反，亦有不少較温和的網民都為此感到意外，但不少人仍是表示理解，「可惜，但理解，加油」、「每個人都有佢自己認為最重要嘅人或事，支持和尊重So Ching的決定」、「希望阿Mo能夠康復，你也是好女人，支持你的決定」、「So Ching決定，其他7個都尊重，成員唔好理無謂人，支持你哋」、「你哋淨係識點名搵Winka，Winka同阿Mo關係都唔及佢『好兄弟』啦，人哋去咗韓國玩你又唔講點解唔退團」！但亦有不少網民認為So Ching跳唱了得，沒有了她COLLAR便甚麼都不是了，直言「沒有了主角，COLLAR還是女團嗎」、「COLLAR我最中意 So Ching ，至少唔MK，唔扮嘢，唔搶鏡，樣靚，唔做作，唱歌跳舞2樣都勁掂，有實力」，更有人笑説「依加真係8-1=0，冇So Ching可以bye bye先」。

collar 退團教主Story可見現時不在港，網民指「識講Winka唔識講好兄弟？」 — 教主Story可見現時不在港，網民指「識講Winka唔識講好兄弟？」（圖片來源：Instagram@ansonlht）

So Ching全力伴男友走康復路

自從上年阿Mo受重傷後，So Ching便放下了女團工作，專心照顧男友，當時隊友們一直以「8-1=0」的信念等她回歸。而So Ching選擇在今年1月1日的商台叱咤頒獎禮重返舞台，之後她更與隊友一起為新歌「The Bright Side」宣傳，及與隊友Winka為品牌卡樂B表演。有消息指岀So Ching最後決定退團的原因，仍是想專心照顧男友阿Mo。雖然阿Mo及其家人都支持她回歸，但復工後她發現難以兼顧事業和照顧男友的壓力。即使So Ching與隊友和經理人的感情良好，但阿Mo的一場意外卻改變了她在娛樂圈發展的決心。