業主爆料！租新樓畀3線女明星住到變爛屋　事後無賴到要求退按金！

租新樓給3線女明星　2年後住到變爛屋：成屋又霉又爛

該名業主日前於Facebook「香港租樓/買樓討論區」大吐苦水，表示自己兩年前將新買單位出租予一位不太紅的女明星，當時對方一次過交了一年租，業主認為不用每個月追租，以為遇上好租客，因而「租平啲」方便女明星。不過，業主憶述，上個月女明星通知他完租，結果無交足最後一個月租金，於是自己便從按金扣掉餘額了事。更奇怪的是，該位女明星竟不敢面對面交還收鎖匙和門卡，最後更用Lalamove把相關物品寄給業主。業主直言：「當時已經心知不妙！」

其後，業主到單位收樓，果然「情況令他嚇窒」，看相片還以為是殘舊單位！他指「我層樓係新樓，間屋住到好殘舊，好多地方變（被）破壞，每一幅牆都花晒、發霉」。而屋內的樓梯「又畀狗咬爛，地板又整花」。 而女明星退租時向業主表示會「交吉」，結果全部物品都無搬走，要業主自行找運輸公司搬走雜物，費用亦是自費。而最令人「笑出聲」的是，「女明星同我傾退幾多按金，佢話如果由佢哋自己處理返牆和地板，還原維修只需7,000元可以搞掂，佢哋打算求其整返。」

結果，業主自行找師傅「大執」，全屋重新上油，「地板我負責畀一半，加埋29,000元，佢咁都話貴。」直指女明星不負責任、不講道理，令他「條氣唔順」。

網民抱不平：你開名啦！

網民一見樓主新樓慘變舊樓的情況都表示「睇唔過眼」，指「點樣住先會住到咁樣？好過份」。有網民認為，雖然租樓給別人時都預料到單位會有損耗，但這個程度實在太誇張。而且「女明星」只住了 2 年，根本無可能會弄得如此田地。網民同時提醒業主「如果有簽合約，約上應該寫明如果唔按時交租，即係沒有履行合約條款，業主可以沒收按金」；也有人建議業主開名，以免「女明星咁就過關」，亦是為其他業主做好事！業主事後再回應指：「我目前打算裝修好先，之後有單有據把餘下的按金退返俾佢。我就跟足程序做嘢， 如果佢仲係唔知錯，仲要鬧我嘅話，咁我都唔會客氣。」