多啦A夢腐皮壽司＋鬆弛熊杯緣餅＋熱朱古力｜搵食新煮意（新假期APP限定）

4月4日搵食新煮意：多啦A夢腐皮壽司＋鬆弛熊杯緣餅＋熱朱古力

1. 多啦A夢腐皮壽司

每次做腐皮壽司，都好多朋友問喺邊買到腐皮壽司袋？腐皮壽司袋其實需要自己滷的，但日式腐皮壽司並不是平常香港用的大腐皮，佢其實是「油揚」，外型細細塊、長方形的，多數一包三塊，多在日式超市有售。今次就教大家由滷腐皮開始，做成個腐皮壽司，仲要係多啦A夢造型，可愛到唔捨得食！

材料（可做6個腐皮壽司）：

• 油揚 1包
• 白飯 3碗
• 白色芝士片
• 紫菜
• 蟹柳

抽揚調味料：

• 水 300ml
• 日式醬油 3湯匙
• 味醂 2湯匙
• 糖 2茶匙

壽司飯調味料

• 壽司醋 3湯匙

做法：

1. 小煲內加入油揚調味料煮滾，放入油揚再煮滾，關火浸15分鐘，盛起。
2. 白飯加入壽司醋拌勻，攤涼。
3. 壽司飯平均分為6份，預備一保鮮紙，將其中一份包裹，並捏成圓球。
4. 油揚扭乾水，剪開一半。
5. 將壽司飯糰小心放入腐皮袋內，上方拉下點，做成多啦A夢的頭部。
6. 利用牙簽在芝士片畫出隋圓形眼睛，用剪刀在紫菜剪出其他細節，利用小飲管在蟹柳皮印出小圓鼻子。
7. 將所有細節小心放在壽司上，重覆步驟，完成所有腐皮壽司。

2.鬆弛熊杯緣餅

今次會教大家做杯緣鬆弛熊，完成後真的可愛到不行，小朋友一定鍾意，以下為大家分享一下這個杯緣熊曲奇懶人包。

材料：

• 牛油 100g
• 糖 130g
• 蛋 1隻
• 麵粉（Plain Flour）270 – 300g
• 雲呢拿油 2滴
• 朱古力粉 1湯匙

做法：

1. 牛油室溫放軟，放入大碗內，加糖拌勻後，再打入雞蛋，拌勻。
2. 逐少加入麵粉，徹底拌勻，成為不黏手的麵糰。
3. 將整顆麵糰分開一半，一半以保鮮紙包裹；另一半篩入朱古力粉拌勻，再用保鮮紙包裹，放入雪櫃雪藏約20分鐘。
4. 取出麵糰，在枱面灑上麵包，桿皮麵糰約0.5cm厚度，用印模壓出鬆弛熊圖案。
5. 用刀打縱切開鬆弛熊雙手，預備紙條並摺成橋狀，支撐著鬆弛熊雙手令其舉起。
6. 放入已預熱焗爐，以200’C焗約17-20分鐘（視乎焗爐的火力而定）。
7. 將已焗好的曲奇放涼，用朱古力筆畫上細節。

3. 熱朱古力

今日最後就教大家用家常材料，變出一杯超邪惡的熱朱古力，晚餐過後好好歎一杯暖笠笠朱古力吧！

材料：

• 朱古力粉 2湯匙
• 朱古力碎 2湯匙
• 朱古力醬 1小碗
• 鮮奶500ml （留起約20ml不要煮滾）
• 粟粉 1茶匙
• 威化餅 2塊 （壓碎備用）
• 棉花糖 8粒
• 忌廉 少許
• 聖誕薑餅1塊（可省略）
• 砂糖適量

做法：

1. 杯口蘸上朱古力醬，並沾上威化餅碎待用。
2. 中火煮鮮奶至微滾，即轉小火。
3. 依次加入朱古力粉、朱古力碎、砂糖，不斷攪拌至融化。
4. 將粟粉加入少量凍鮮奶拌溶，之後加進熱朱古力中，煮至質地轉杰熄火。
5. 將熱朱古力倒進杯中，並唧上一層忌廉。
6. 放上棉花糖和薑餅即成。