廉航 世代日日飛@杜遊珍
廣告
轉眼間，香港首間 廉航 香港航空今個月一歲了！日本香草航又登陸，感覺一年人事幾番新，搞到阿珍突然懷舊，記得以前啲姐妹一聽到 廉航 就牙痛咁聲，「安唔安全㗎？」「搞錯呀，花生都無得食？」，依家咪又去搶一蚊機票！
上個月有旅遊網站的報告指出，近半成受訪者曾經坐過 廉航 ，八成將會選搭！票價咁平，絕對刺激了旅遊意欲，難怪阿珍成日Call啲姐妹都無影，原來又執到平飛！講到最想開設的新航點，不少人選擇日本，不過阿珍最希望見到的長途則無咩希望，相信和當年甘泉航空的慘烈收場有關！無論如何，2015年，唔洗再買過二千的東南亞機票，阿珍我話嘅！
