KFC家鄉雞＋KFC黑椒蘑菇飯｜搵食新煮意（新假期APP限定）
廣告
新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！2月22日《搵食新煮意》：KFC家鄉雞＋KFC黑椒蘑菇飯。
2月22日搵食新煮意：KFC家鄉雞＋KFC黑椒蘑菇飯
1.KFC家鄉雞
快餐店炸雞可謂大人細路都愛的美食，吃著那塊香脆滋味的雞皮，滿滿的罪惡感卻又超滿足！教大家在家還原KFC家鄉雞，只需簡單的調味料，再用光波爐無油空氣炸做法，就可以做到99%近似的味道。
材料：
- 雞髀（斬半）兩隻
- 鹽焗雞粉 15克
- 紅椒粉 2茶匙
- 炸雞粉 20克
做法：
- 雞髀洗淨印乾水份。
- 在雞髀厚肉位置用刀𠝹開。
- 將雞髀放入密實袋，加入鹽焗雞粉及紅椒粉拌勻，醃2小時。
- 光波爐內放入低架，調校至250度，預熱5分鐘。
- 雞髀蘸上炸雞粉，放入光波爐，以250度烤10分鐘。
- 反轉雞髀再烤7分鐘即成。
2.KFC黑椒蘑菇飯
另一款KFC名物，不得不提黑椒蘑菇飯，但到店內食的話總有一個缺點，就是醬汁太少，醬汁吃完白飯卻剩下一大半。其實這個醬汁做法不難，只需4款材料即可，且味道超濃，配上任你加的蘑菇，送飯一流。
材料：
- 新鮮啡蘑菇 一盒
- 牛味濃湯寶 1粒
- 水 300ml
- 粟粉 3茶匙
- 黑椒 適量
做法：
- 蘑菇切片，落鑊倒少少油，蘑菇炒至縮水及變深色後，盛起備用。
- 鑊中加入牛味濃湯寶，再倒水煮滾，滾後加入蘑菇，加蓋細火炆煮5分鐘。
- 開蓋轉大火，煮到略為收汁後用粟粉水打茨。
- 最後加入黑椒調味。
圖片來源：新假期資料庫、邪釘橫輝·惡人妻授權資料或影片來源：邪釘橫輝·惡人妻
