93蚊淘寶碗碟賣930蚊 本地店舖直接賣貴10倍捱轟！網民反而力撐：舖租貴！

港人怒轟本地舖頭食水深：93蚊淘寶碗碟賣930蚊！

有港人行街時發現某店舖其中一款三件套粉紅色花朵碗碟在特價賣930元，她去淘寶搜同款碗碟原來成本價只需93人民幣，驚訝發現店家直接賣貴10倍，於是怒轟店家食水深，「我明白商家要賺錢，又要比租同燈油火蠟，但我無諗過markup 10倍，我一直以為只係3-5倍」。

網民列5大理由力撐店家！

帖文一出引起熱議討論，但出乎意料地一眾網民反力撐店家，更有網民列出5大解理貨品賣得貴的原因：1.買家可直接看到實物並檢查品質；2. 看中後可即時買走；3. 可享受到行街購物樂趣 ；4. 不用冒著運來香港時有破損的風險，同時可避免要淘實的麻煩； 5. 若有急用，等淘寶就太耐了。

網民反轟事主：人哋唔使交租？

事主圍爐不成更被網民炮轟，網民大鬧事主不易地而處體諒店家的辛苦，指出香港租金貴，電費、水費、人工費樣樣都是錢，「十倍係常識黎架噃，當你賣過野就明，3倍先叫和到條數」、「你老細唔賺錢，邊有錢出糧畀你，你都會每年望加多啲人工啦，其實唔啱價咪唔好買就算啦」、「哇～你唔好去格埋廠價？可能幾蚊ga 咋！」、「好明顯你係打工，唔係做生意」、「唔好阻人揾食！在香港買起碼有實物看，唔怕貨不對板…… 不會破爛！」。

資料來源：Facebook群組@淘寶開心share