去Five Guys一定講中文 網民湧入留言齊讚 直指：呢度香港人地方嚟！

網民指自己去Five Guys一定講中文

香港不同食店林立，不論本地小店、老字號，還是過江龍進港的食店，隨便一數都一蘿蘿。不過若然是外國的過江龍食店，面對著外國人店員，不少人都會選擇用英文對話，方便對方。但有網友於連登討論區指出，當自己去Five Guys、Subway、Pret A Manager的時候，不論自己英文水平是高或低，都會跟對方說中文。

一招測試店員是否識中文！

樓主認為既然進駐香港，為甚麼要用英文下單？而且身為收銀員，點可能不懂廣東話！直指明明9成店員都識聽不識講，但故作聽不明白。樓主分享一招如何測試該店員是否聽懂廣東話，他表示只要用中文大鬧店員，他一定會用半鹹半淡的中文與你對罵。

網民齊撐：呢度香港人地方嚟！

樓主帖文一出，其他網友紛紛留言齊撐。有人認為「唔識中文佢連份工都見唔成，擺明扮野」、「呢度香港人地方啊！」。亦有網友指出要是高級西餐廳說英文都正常，但就連快餐店、Coffee Shop這些大眾化餐飲店店員不懂廣東話就說不過去。就好像去印度餐廳吃飯，印度店員都會識聽「呢個」、「埋單」，因為你在當地開餐廳，學會當地語言是很正常。若然是在香港開餐廳但要人講英文，感覺上似「喺香港插旗但好似唔係做香港人生意咁」。另外也有網友揚言Subway定位絕對襯不起全英文溝通，而且識英文不代表一定要講。