港女親自下廚男友毫無表示！網民反應竟一面倒「我都唔會日日多謝阿媽」

Feb 7 2023

不少男女朋友都會玩煮飯仔，增進一下感情，不過下廚後，對方多謝都無句，真的令人「火都嚟」。近日有名女網友在Dcard討論區發帖，除了首次下廚外，之後煮飯給男友吃，對方吃完就算，完全冇反應，因此覺得失落，並質疑自己是否太執著。想不到網友反應竟一面倒：「人慣咗係咁」、「食曬，已經係最好嘅多謝」。大家又點睇呢？

港女親自下廚，男友毫無表示

為愛人洗手作羹湯，本來是件很甜蜜的事，亦是戀人間的情趣，不過做完「煮飯婆」後，對方若是毫無表示，大安旨意的話，相信下廚之人一定「火都嚟」。近日就有一位香港女網友，在Dcard討論區大討苦水，說自己本來是入廚門外漢，但為了男朋友，漸漸學會不同菜式。起初下廚，男朋友都有表示：「初頭煮嘢食比佢都會摸下我個頭，同我講多謝，然後話好好食果啲，我都會好開心想多啲煮嘢比佢食。」誰不知今天煮飯後，男友吃完就算，毫無表示：「今日煮比佢完全冇反應，就咁食完就算。」令她感到超委屈：「感覺有少少失落」，並質疑是自己太執著，卻又不敢向男友明言：「我冇問佢點解會咁，我驚我同佢講，佢會覺得有壓力。」交末更請教各大網友：「好想知啲男人點諗」。

港女下廚近日就有一位香港女網友，在Dcard討論區發帖，大呻自己煮飯俾男朋友，但男友毫無表示。 — 近日就有一位香港女網友，在Dcard討論區發帖，大呻自己煮飯俾男朋友，但男友毫無表示。（圖片來源：Dcard討論區截圖）

港女下廚港女為男友洗手作羹湯，起初都會被讚賞一兩句，後來男友變得無反應。 — 港女為男友洗手作羹湯，起初都會被讚賞一兩句，後來男友變得無反應。（圖片來源：MV《My Apple Pie》截圖）

港女下廚從帖文言談中，可看到事主滿腔的委屈。 — 從帖文言談中，可看到事主滿腔的委屈。（圖片來源：電影《十分愛》截圖）

網民反應一面倒：「人慣咗係咁」

帖文引來不少網人民的關注，以為大家都同情女事主？非也，竟然一面覺得「係咁架啦」：「人慣咗係咁」，甚至將女友和阿媽混為一談：「變咗日常，我都唔會日日咁樣多謝我阿媽」，覺得吃完已經好「俾面」：「食曬，已經係最好嘅多謝」。有人則鼓勵女事主和男朋友開心見誠坦白：「問下點會有壓力，如果你聲都唔出，自己嬲就壓力爆煲」、「好正常，我果個都係咁，我會主動問佢覺得好吾好味」，亦不乏好心人安慰樓主：「其實可能只係咁岩攰，唔記得左講『辛苦你啦』。姐男仔通常都在心中，會默默感謝」，亦有人出謀獻計：「你試下吾煮一排再煮」，學會做個「懂得撒嬌的女人」：「其實溝通真係咁難咩？情侶之間心靈交流真係好重要，你係點諗嘅迷直接問佢囉。驚佢有壓力，迷嗲住咁問佢囉，冇幾多男人頂多住女仔嗲」。