好人好事｜小巴司機揭坑渠蓋幫女學生揾失物！瞓身伸手入坑渠執｜網絡熱話

小巴司機熱心協助女學生

有網民在社交媒體上載一幅照片，照片內有兩名疑為小巴司機的中年男士，俯身在小巴站馬路邊的一個坑渠蓋，其中一名更差不多全身蹲下，檢視打開了的坑渠尋找些什麼似的；在他們身邊的是5名女中學生，同樣地全神灌注地看著坑渠。

女學生為小巴司機成功執回物品歡呼皆大歡喜

根據樓主的帖文，女學生們有物品意外地跌進坑渠，小巴司機熱心地協助她們把坑渠蓋揭開，而且成功執獲物品，令女學生們不禁歡呼拍掌並高呼：「好勁呀！」加上一副欣羨的模樣「心心眼」，「氹到2個司機呢……勁開心，仲同啲學生講：『無嘢解決唔到嘅！』小巴司機做埋人生導師，呢啲咪win win，大家都開心。」

好人好事卻被揶揄 被職業司機不良形象所累

帖子惹來網民議論紛紛，一般都大讚是「好人好事」，更有似乎是當區居民兼熟客網民表示，「呢條隊啲司機幾好㗎，係消防個斑馬線，差唔多次次都讓人過先」。然而，對小巴司機帶有嘲弄地的留言也不少，「正能量小巴佬」、「執還執，唔好睇裙底喎」、「如果執唔到，係咪同佢講有啲嘢失去咗就返唔到轉頭，一失足成千古恨！」

盞鬼網民為小巴司機「設計對白」

有盞鬼的網民更想像巴司機如遇上男學生的話，應該只會就手旁觀，「死開啦，咪阻住阿叔開工」、「男人嚟㗎嘛，自己搞掂啦！」、「想當年阿叔一隻手指拎起個蓋，後生打壞」。

原文：

資料來源：FB@真‧上水粉嶺人大聯盟