So Ching復工無期COLLAR越唱越少人　8變7再變4淪落到只得3女充撐場面

意外至今四個半月，COLLAR成員早已復工，但每次在台上公開演出的人數漸減，由8個變7個，7個變4個，到最近一次更只得3名成員充撐場面。

So Ching停工全心照顧阿Mo

今年7月28日MIRROR第四場紅館演唱會演出期間發生嚴重意外，舞台上方大屏幕墮下令多名舞蹈員受到重擊，其中COLLAR成員So Ching男友阿Mo傷勢最嚴重，心情大受影響的So Ching決定全面停工，專心照顧男友。

8-1=0？COLLAR已復工

So Ching停工影響COLLAR的工作，曾經有粉絲要求她退團不要拖累眾人，當時成員Winka（陳泳伽）曾經回覆網民：「8-1=0」，但近日已見COLLAR眾女開始復工。

早於紅館事故發生後不久，COLLAR餘下的7位成員已經到商台接受訪問，早前又現身為代言品牌撐場，為《明日戰記》獻唱主題曲的Winka出席各類宣傳及首映活動，其中最多人支持的Ivy So（蘇雅琳）則獲安排參演ViuTV重頭劇《和解在後》，最後一次8人姿態現身，就係8月《選擇》月刊嘅封面及專題拍攝：

最後一次全員公開演出

參加選秀節目《全民造星4》出道的COLLAR，回看最後一次集齊8女的公開演出，已經要數今年5月26日為張敬軒的紅館演唱會擔任嘉賓，當時被網民狠批唱歌走音似唱K水準：

8變7、7變4⋯⋯出席活動、兩人台下打氣？！

8缺1變成7名或員後，於上月底出席代言活動，成員阿Day（許軼）因病缺席8變6，然而有份出席主持跑步比賽鳴槍儀式的Ivy So與Candy（王家晴），在COLLAR其餘成員SumLing（李心駖）、Marf（邱彥筒）、Winka（陳泳伽）及隊長Gao（沈貞巧）在台上獻唱時，竟然只在台下充當「啦啦隊」，負責打氣和拍照。

校園騷「8變3」 反應仍熱烈

接著在本月初，只剩下Day、Ivy So及Winka，3女出席喇沙書院的Talent Quest擔任嘉賓。現身中學的3位成員再唱代言廣告歌 《Gotta Go!》，唱歌方由唱得之人Winka撐場，8變3的將態下似是缺乏演出經驗和練習，連Winka都唱得不夠穩陣多次瀕臨走音狀況，不過現場氣氛仍熱烈。

網民不忍長期唔齊人 ： COLLAR不如解散啦好嗎？

自從MIRROR演唱會屏幕事故後，女團COLLAR成員So Ching的男友阿Mo李啟言被巨型屏幕重擊後，So Ching一直停工照料男友，歸隊無期，她對男友受傷充斥大量不滿情緒，矛頭似是直指公司，而COLLAR復工後亦未能齊人，人氣大跌。日前更有網民在討論區起哄叫COLLAR不如解散，還逐一批評成員的弱點，唯獨對一位成員有讚無彈，真係耐人尋味！

COLLAR於叱咤「生力軍組合」仍有機會奪金？

有傳COLLAR在MIRROR演唱會出意外後被「禁聲」，亦沒有新作推出，雖然於商台《叱咤》「我最喜愛的組合」COLLAR未入5強，但計算播放率相信仍有機會於「生力軍組合」奪金，不過市民大眾甚至粉絲們都開始感到，長期未能齊人的COLLAR其實可有可無，好想知MakerVille同身為COLLAR經理人的Wing，會點回應呢個網民熱話呢？

網民逐一分析COLLAR成員缺點

1. So Ching (蘇芷晴) 歸隊無期令人憂心

眾所週知， So Ching現在一心照顧重傷男友阿Mo，根本無心戀戰女團，網民指出她的問題所在。

「COLLAR係包埋So Ching，根本Mo一日唔好返，佢都唔會有可能入返Viu做野。」

「根本就應該飛起So Ching」

2. Sumling (李芯駖) 衰年紀大

去年35歲的Sumling以最大年紀身份參加《造星4》比賽，對比起COLLAR其他成員平均年齡只有二十幾歲時，這位「大姐姐」不論唱歌跳舞明顯是格格不入，網民亦主要攻擊佢年紀。

「Sumling收X啦，最新套戲都要做人老婆，36根本參加中年好鄉音算啦。」

「唔靚唔後生成陣過期老泥味」

「36先起步梗係冇行啦」

「佢一年內老左好多」

3. Marf (邱彥筒) 衰齊陰變髮改運

回顧《全民造星4》，Marf大熱勝出，唱得又跳得，不過原來觀眾緣麻麻，有不少網民對她的髮型及外形甚為不滿。近日她轉髮型將齊陰夾起，獲網民激讚：「妹豬咗！」希望能增加觀眾緣！

「Marf最大問題係醜」

「垃圾Viu個造型出事」

「太黑口黑面feel難有觀眾緣，最大獲係死都唔肯捨棄塊X到核爆既陰」

其實Marf有份出演 ViuTV節目巡禮2023 新劇《那年盛夏，我們綻放如花》，有望向演員方面發展。

4. Day (許軼) 衰包包面

明明是走可愛路線的Day，包包面出晒名，但網民就是愛雞蛋裡挑骨頭，不過Day卻深受廣告客戶喜愛，就算COLLAR停工，但Day不停有電視廣告出街，單是2022年已接超過20個廣告。

「豬頭Day出名唔掂啦」

「豬頭 Day 咪做緊廣告從業員」

「我食豬扒就諗起佢個豬樣」

相關文章：Day@COLLAR擊敗林明禎做廣告女王 阿正緊隨其後接代言年袋七位數

5. Winka (陳泳伽) 衰剪短頭髮

Winka是在COLLAR中第一個彈出，被安排和Ansonbean合唱電影《明日戰記》主題曲《明日之明日》，但卻被網民指唱功只屬一般，更有網民唔滿意佢剪短頭髮。

「剪走Winka把長髮變達達星人」

「單飛加埋佢呢個樣一定好X快收皮」

6. Candy (王家晴) 衰無個人特色

在COLLAR中，Candy被指是最無個人特色的一位，在《全民造星4》比賽中無論是跳舞還是唱歌都是差幾皮，即使出道後存在感都極低。

「Candy最新嗰個寶礦力活動，X佢老X塊面本身方，仲要腫到X街，真係唔掂。」

7. Gao (沈貞巧) 衰唔靚

Gao雖然身為COLLAR隊長，但由於她並非靚女加上所跳的Locking(鎖舞)被指一般，所以發展比其他隊員差，以個人接拍的廣告及Job亦最少。

「最XX個件Gao影都冇埋，證明咗靚女先係最紅。」

8. Ivy So (蘇雅琳) 擔正ViuTV新劇獲力捧 粉絲至愛

剛滿21歲的Ivy So自COLLAR 出道後，她以團隊或個人身份已接過合供超過17個廣告代言或活動，絕對是COLLAR中最吸金成員之一。她更擔正演出ViuTV原創劇《和解在後》，故事圍繞一間提供專業調解服務的調和中⼼，要探尋衝突背後的因，方得化解矛盾的果，同劇還有ToNick主音趙善恆﹑李麗珍﹑尹光﹑岑珈其及谷德昭等，不少粉絲嗌期待。

「COLLAR – Ivy So ＝0」

「成隊COLLAR 真係得Ivy So一個叫有明星相，其他果7個真係好普通。」

「Ivy So Solo 算，其他全部垃圾黎」

「最靚嘅Ivy So日日接廣告接到手軟」