網民力數全港7大污糟餐廳食肆 網民：衰過公廁開餐｜飲食熱話
污糟餐廳食肆！網民：衰過公廁開餐
以「污糟食肆」作討論主題的帖文時常在連登討論區引起網民熱烈的討論，近日又有連登仔以「一人一間你食過最污糟嘅餐廳」為題發帖，力數全城最污糟的食肆，為了拋磚引肉，樓主先行自爆「光輝圍金來，懷疑張枱唔會抹，啲漬都唔知積左幾耐，個廚房地下黑鼆鼆，老細煮嘢身後堆電制勁多曱甴爬黎爬去，碗粉啲湯唔夠熱都算，嘢飲仲飲到啲不知名昆蟲，平係平，不過環境真係好驚嚇」，實牙實齒地指證店家衛生程度欠佳。眼見樓主真心誠意發帖，不少網民隨即跟進分享，有網民稱自己幫襯大澳冰室，「叫咗嗰沙嗲牛肉粉絲煲，見到有塊好似炒到燶燶哋嘅牛想夾嚟食，反轉原來係炒燶咗嘅曱甴」，完全令人倒胃口，食不安心！
連登仔力數全港7大污糟食肆
看過帖文內提及的污糟食肆，又曱甴又老鼠橫行，小編未食飯已經想嘔！總合帖文內7間被網民力數的污糟食肆，大家有無異議？
1. 葵興 光輝圍金來
樓主拋磚引肉先爆葵芳光輝圍金來「懷疑張枱唔會抹，啲漬都唔知積左幾耐，個廚房地下黑鼆鼆，老細煮嘢身後堆電掣勁多曱甴爬黎爬去，碗粉啲湯唔夠熱都算，嘢飲仲飲到啲不知名昆蟲，平係平，不過環境真係好驚嚇」，開業已超過20年的老店，衛生程況似乎相當一般。
2. 西環 大澳冰室
有網民指「叫咗嗰沙嗲牛肉粉絲煲，見到有塊好似炒到燶燶哋嘅牛想夾嚟食，反轉原來係炒燶咗嘅曱甴」，不難想像事主的心理陰影。
3. 荃灣 唯一雲貴川風味
荃灣區人氣米線店，裝修簡陋，有網友分享親身經歷，指「牆有強行緊，天花都有強，天花隻強行行下跌左落枱面，再跌左落侍應件衫度，諗起都勁核突」 。
4. 元朗 成記茶寮
位於建業街冬菇亭，其豬扒飯被視為元朗名物，不過有網友指「地方好X污糟，仲要係公廁旁」、「成日食，環境係好惡劣，但好食」，正因環境欠佳，有網友指自己寧可外賣買走，「我好鍾意食，成日買外賣拎番屋企食，好少堂食」。
5. 大圍 華輝小食
大圍美食手撕雞腸粉名店，吸引不少當區街坊幫襯，不過討論區內有網友就指店家「張枱永遠唔抹，一行近張枱成浸噏味，地下多垃圾，大垃圾桶/垃圾放正門口，又多老鼠/強周圍走」。
6. 旺角 新記雞粥
由元朗開到旺角的雞粥名店，意想不到竟然會榜上有名，有網友分享用膳經歷，力指「食食吓有隻老鼠起上面天花板行」，不難想像當下有多震驚！
7. 新蒲崗 嫲嫲雲吞雞
新蒲崗這個老區向來鼠患問題嚴重，而位於新蒲崗的嫲嫲雲吞雞，在討論區內被投訴：「食完埋單走人成隻老鼠起天花板跌落嚟」。
