港女與男友AA制旅行被男友媽誤會！佢哋傾電話刻薄講1句｜網絡熱話
廣告
早前，有一名港女網上發文大呻與男友計劃旅行被伯母誤會的不愉快事件。港女與男友去旅行的支出將以自費的方式攤分，但由於分工合作的關係，女事主負責買機票、男友預訂酒店，各自先行墊支，令伯母誤會女事主白食白住，故意在兒子與女事主通電話時提醒兒子「唔好畀人呃」，令女事主十分懊惱，令網民熱議，力勸女事主「早飛早著」。
伯母怕兒子被騙財
女事主表示，與男友計劃久違了的旅行，一切都進行得十分順利，她已墊支買了二人的機票、男友亦墊支預訂酒店，二人已有共識會在完成旅程後平均攤分費用（AA制）。伯母得悉兒子預定酒店後就說三道四，「又話男友出咗好多錢，好似驚我唔畀返錢佢個仔咁，又唔諗吓我都買咗機票」。
被誤會極掃興
女事主與男友通電話討論行程時，伯母故意刻薄地高聲說：「到時去果陣，要計清楚啲食玩買嘅錢，唔好比人呃啊」，令女事主不禁感嘆，「作為女仔，點都我驚啲啦」，又指原本去旅行是值得令人高興的事，因為斤斤計較，非常掃興。
直言伯母說話尖酸難相處
有網民豪氣向女事主表示，「我同你去啦！我無習慣要女人畀錢！」。有網民曲線讚賞女事主是「好女仔」，「咁嘅男仔都有女埋身，唔好再話香港無好女仔」。有人為女事主的未來擔憂，「死梗，預著呢種家婆，第時有機會結婚預咗有排受」。
有網民語帶譏諷地提醒女事主，「真係計清楚好，一陣伯母叫你整個Excel畀佢睇追返你數呀！」，女事主霸氣回應，「要咁複雜我寧願唔去啦！」，又明言 「真係唔識同佢相處，覺得佢講嘢好難聽！」又有網民叫女事主負責男友的支出，女事主認真回應，「到我阿媽有聲出！」
原文：
資料來源： 香港討論區
圖片來源：TVB《愛回家之開心速遞》截圖、Netflix《社內相親》截圖、電影《原諒他77次》截圖、香港討論區截圖、電影《嚦咕嚦咕新年》截圖
