茶餐廳廚房師傅 公開沙嗲牛肉麵秘技＋奶茶點解屋企永遠沖唔到？｜飲食熱話

茶餐廳師傅 公開茶記食品製作秘技：點解沙嗲牛肉麵，屋企點都整唔到？

1.如何炮製靚炒飯？

網民請教師傅，如何炮製粒粒分明的靚炒飯：「炒飯要點做先唔會痴埋一舊？」樓主教路：「炒到個蛋半生熟先落飯，如果個飯唔係好爛既話都唔會點痴埋」。

2.在家炮製茶記凍檸茶／奶茶？

奶茶和凍檸茶是茶記的經典飲品，網民自然想知其秘方。不過樓主覺得大家在家很難做到，皆因「個茶要撞要溝」，過程非常繁複「倒落個茶袋，放落餅爐，夠鐘拎起，來回倒，茶葉間間唔同」加上每間茶記的茶底都有獨門秘方，不會輕易透露，其他茶記師兄也加把嘴：「以前做水吧最值錢就係條茶方，唔知試幾多年先試到」所以就算樓主曾任職茶記，都不知秘方真貌：「啲老屎忽唔講架，就算講都係大約，細位佢唔會講比你知。」

3.用什麼牌子的醬料？

網民似乎都想複製茶記風味，問：「用開咩牌子醬料？」樓主回應其實用好多不同牌子，不過生抽、老抽就離不開「珠江橋牌」啦。

4.沙嗲牛肉好食秘訣

沙嗲牛肉可是到茶餐廳最受歡迎的餐點之一，更有網民認為沙嗲牛肉是茶餐廳一定要保留的菜式，且有一眾網民於Facebook開設「香港沙嗲牛肉麵關注組」，召集沙嗲牛肉迷交流哪裏的沙嗲牛肉好吃。故有網民詢問在家如何整到茶餐廳水準的沙嗲牛肉，而樓主教路牛肉要醃得好。先用鹽、糖、雞粉、酒、麻油、食粉、水、沙茶醬、生粉醃牛肉，再用蒜蓉、沙茶醬、花生醬、雞粉、糖、油加水，打芡便可。

5.炒粉麵即叫即炒？

通常叫炒麵很快便送到，令人不禁懷疑是否即叫即炒，還是炒好待有柯打就翻熱。樓主則解答配料多數整定，但粉麵底是即叫即炒，最後再放上整好的配料同炒。