港女飲茶見家長 秒惹男友全家黑面！因一籠灌湯餃睇清自私性格｜飲食熱話

港女飲茶見家長 撓埋雙手等服侍 因一籠灌湯餃惹男友全家黑面

近日有港男在連登討論區發文，分享女友見家長時秒速惹怒男方父母的尷尬事件，「頭先同屋企人飲茶，一坐低，女朋友杯又唔洗、茶又唔斟，淨係坐喺度」，及後他父親把點心紙遞給他女朋友，並跟她說不用客氣隨便叫，及後當侍應送上點心，發現只得一籠灌湯餃，女友竟說「啱呀 ，Uncle！This is for myself！」完全沒有顧及其他人，因一籠灌湯餃睇清自私性格，最後整頓飯下來，港男父母一家全部黑面且一言不發。埋單後，女友才問港男：「點解你父母好似有啲不滿咁」，不懂人情世故到極致！

批港男只懂嫌棄 網民：嫁過來慘過做狗

面對男友家人黑面，港女搞不清狀況，不少網民認為事主要負責，反稱「一籠灌湯餃睇晒成家人」，甚至有人同情事主女友「點解唔係你幫你全家洗杯碗，你條女係賓妹嚟？」、「嫁到過去慘過做狗」，並指「最多話佢唔X識做人啫，佢X知你全家鍾意食咩呀，個個都鍾意食灌湯餃架咩？呢啲位咪你拎張紙幫手寫埋你老豆老母嗰份囉，有時啲嘢就係兩個人互補不足，一味嫌有咩意思」，也有好心人提出實際建議「在你父母面前幫你女朋友解釋吓」、 「下次嗌完 proofread 佢張點心紙」、「面對長輩，其實應該係樓主同女朋友兩個幫手洗」，建立關係非一朝一夕的事，樓主要多加努力！