剛畢業工作1年男友遭凍薪！女友嫌人工17k搵得少要求佢轉工被拒｜網絡熱話

去年畢業男友人工17K 女友夾租俾大份　

女友表示，男友是去年畢業生，月入17,000元，在現職崗位剛工作滿一年，理應要加薪，但男友公司要凍薪。女事主認為男友好應趁機「搵工跳槽加人工」、「17K做得啲咩？」，已向男友於和平的氣氛下提出，卻遭男友拒絕，認為現職「好穩定唔想轉工」，幾數都鬧交收場。女友大呻：「佢又要俾家用，令我同佢夾份交租要俾大份啲，食飯又要食平啲，用錢都要就住就住，佢放假只想攤在床上唔消費，覺得咁就可以儲夠錢同我結婚，喺而家嘅香港會唔會太天真？可能我港女啦……」

不恥女友：嫌男友窮養唔起你

多數網民與女事主大唱反調，奚落女事主，「做到啲咩都唔關你事，份糧係佢嘅」；亦有自稱是過來人的網民表示，「你唔擔保10年後佢月入17萬，唔好睇少自己個男人，要對自己眼光有信心；如果個男人初出茅廬工作搵10萬、8萬，又點會睇得上你」；亦有網民不恥事主，「比上不足，比下有餘，做一年就轉工，履歷表好好睇咩、「你都冇心陪佢成長，就放過人啦 」、「講來講去咪又係嫌人窮，養唔起你」。

女網民：係我就飛咗條女佢，我係女人都咁話

有不少網民更反問女事主，「你自己咩質素呢？」、「比較想知個女仔人工有幾高」，亦有網民不恥女事主，「係我就飛咗條女佢，我係女人都咁話」、「條女應該好心急嫁」、「說好的今時今日女人叻過男人呢？」；亦有不少網民應為「應屆畢業生一出嚟做嘢有17K已經好好啦」。

女友：我估佢銀行存款係零

另一方面，有網民認為通脹高、支出多，「17K基本上儲唔到錢」，女事主回覆「係呀，我估佢銀行存款係零」；另外有女網民分享同類經驗，「可能用另一方法同佢表達會好啲，我男友之前都好滿意份工，但我分享咗幾份招聘廣告令佢驚覺佢被壓低人工，佢即刻轉工人工加3成，地點又近咗」，女友回應「我會試下，所以佢真係好應該趁市道好咗轉工」。

原文：

資料來源：[email protected]